Nze nali siyambalangako ku ngatto bukya mbeerawo.

Natunuuliranga abaana abambadde engatto ne mbegomba nnyo.

Maama wange yangambanga nti nja kufuna engatto nyingi mu biseera ebijja.

Nali sikikiriza era namubuuza nti mu maaso ye ddi?

Ekiseera kyayitawo, ne ssekukkulu yali eneetera okutuuka. Abantu bonna nga beetala badda eno n'eri, basitudde ensawo ezijudde ebintu ebipya.

Nabuuza maama nti, ''Naffe tugenda mu katale?''

Olunaku olwaddirira ssekukkulu, maama wange yanzuukusa kumakya ennyo. Yangamba ndeete ekisero ekinene kyetuguliramu ebintu mu katale.

Twagenda mu katale akanene nga mulimu abazadde bangi nga bali n'abaana baabwe. Baagula engoye, emmere n'ebirala.

Twatuuka awali engatto enyingi nga za bika byanjawulo.

Nakanula amaaso era ne newuunya. Nayita mu nkuubo ezenjawulo ezirimu engatto ezinyirira zebategese obulungi.

Nga mazze okwegezaamu, nalondamu engatto eriko akawuzi akeeru. Era bwenaddayo eka kwolwo sasobola kwebaka. Nali ndowooza bwennabeera nga nyambadde engatto zange empya era nga njagala nzirage buli mwana yenna ku kyaalo.

Waayitawo akaseera nenvaayo mu buliri nenyambala engatto zange. Natambula nga netoloola mu kisenge mpolampola. Bwennamala ne nzizzaamu mu kabokisi.

Nagalamira ku buliri naye otulo twabula!

Naddamu nensituka nenyambalamu mu ngatto zange omulundi omulala.

Natambulamuko mu kisenge bwennamala era nenzigyamu.

Nagalamira kyokka era nensituka omulundi ogwokusatu. Nayambala engatto nembuukabuuka mu kisenge naye nakoowa nnyo.

Naddayo mu buliri nenebaka.

Ku makya maama wange yanzukusa. Yabuuza nti, "Kiki kino kyendaba?"

Mazima nali nyambadde engatto zange empya nga ndi nazo mu buliri.