Ngesikhatsi Thembi aseseyintfombatane lencane, make wakhe bekavame kumlalisa emadini lelihle. Lemadi lebalulekile lentiwa ngu anti wa Thembi ngemacembe empayini.

Lemadi beyinemibala lefaka ekhatsi: umbala logcamile lopinki, loluhlata salungangane Kanye naloluhlata satjani. Lemadi beyihlukile kunawo onkhe emamadi lanawo make wa-Thembi endlini.

Indzawo yasekhabo Thembi beyinesomiso ishisa ibuya inematje. Bekunabo fecela labanyenti, tayobe Kanye netinyoka. Kodvwa Thembi bekangekho engotini yekulunywa nguletidalwa letiyingoti.

Make wakhe watsi, "Lelimadi la Thembi lelikhetsekile limvikela kunome ngabe nguyiphi ingoti."

Thembi bekangumntfwana lohlakaniphile. Wafundza kutfola lapho kunemtfombo longashoni wekukha emanti.

Waphindze wafundza nekutsi lipulazi lagogo wakhe lingakuphi. Bekavame kuya ayotitika ngelubisi lwelikamela nagogo wakhe.

Ngalelinye lilanga Thembi bekangenayo inhlanhla. Wasuka aya epulazini kagogo kepha akazange afika. Walahleka etintsabeni. Thembi bekasaba.

Wahlala ngaphansi kwesihlahla alindze lusito. Madvutane watunywa butfongo waphupha.

Waphupha kanjena: Bekalele emadini yakhe lekhetsekile. Umfati lobekafana nagogo wakhe bekambhasobhile. Lomfati wamoyitela wabese umunika sitja sesigodzi lesinelubisi lelikamela. Watsi nakalula sandla sakhe atsatsa lolubisi, wase uyaphaphama.

Thembi wavula emehlo akhe kancane. Watsi nakabuka etulu, wabona inyoni lencane leluhlata salungangane isime egaleni lebelingetulu kwakhe.

Watsi Thembi nakasukuma, lenyoni lencane leluhlata salingangane yaphaphisa timphiko yakhomba Thembi indlela. Walandzela lenyoni.

Thembi wafika emphambanandlela. Lenyoni leluhlata salungangane yawisa siceshana selimadi lebesifana ncamashi nelimadi laThembi.

Asacobonga lesiceshana selimadi, Thembi wabona umfanekiso wetinyawo lebekati kutsi tamake wakhe. Madvutane wabona lomtfombo wemanti longashoni lapho bakha khona emanti.

Umndeni wa Thembi wahlabelela waphindze wadansa bamemukela kutsi ubuyile ekhaya. Bahlaba imbuti, batfosa inyama babungata kubuya kwemntfwana wabo aphephile.

Thembi wahlala emadini yakhe lekhetsekile atfokotela licatsa lelikhulu lenyama letfosiwe.

Thembi wahlala lakhe lelikhetsekile atfokotela licatsa lelikhulu lenyama letfosiwe.