Eminyakeni eyadlulako, edrobeni le Jwanasbhege, kwabelethwa umntazanyana. Loyo mntazana bekungimi. Umma wangithiya igama wathi ngingu uMariam Makeba.

Umma bekasisangoma, kodwana godu asebenze emakhwitjhini ahlwengisa imizi yabantu. Bekunzima kumma bona athole imali eyaneleko ukuze asithlogomele. Umma wathoma ukuthengisa utjwala obenziwe ekhaya ukwenzela bona sithole imali.

Abantu bomthetho batjela umma bona ukuthengisa umqombothi akukho emthethweni. Amapholisa avalela umma ejele ukudosa iinyanga ezisithandathu. Benginamalanga alitjhumi nobunane ubudala, bengimdinga umma. Nanyana bengimntwana nje nami ngiyile ejele.

Bengimntanzanyana othanda ukucula. Ukukhula kwami ngasizo umma ukusebenza emakhitjhini. Ngaso soke isikhathi umangiberege bengihazi ngicula, lokho bekwenza ngibone umsebenzi wami wenzeka msinyana khulu nelanga licaleke likhanya. Ukuvuma kungeze ngathaba khulu emoyeni.

Bengivuma esondweni, lokhu kwenza Abanye bajabule. Umvumo unamandla wokuhlanganisa abantu boke. Nasivumako sizizwe sizithemba singasabi litho sinamandla.

Abantu bebathi iphimbo lami lisisipho Kanye neengoma zami zikhethekile. Ngivume nabanye abavumi begodu umvumo wethu uzwakale iphasi loke mazombelele.

Ekhaya bekuseSophiatown, indawo yamasiko nomvumo. ISophiatown yindowo lapho amaSewula Afrika angenza khona umvumo ngokuthula besigide soke, kodwanaa abantu ebekade baphethe umhlaba ngaleso sikhathi bebangafuni ukuhlangana kwabantu. Labo ebekade baphethe bebangafuni ukuthi umuntu omnyama nomhlophe babe bangani.

Bengazi bonyana akukalungi ukuhlukumeza abantu ngebanga lombala wesikhumbasabo. Akhange ngifihle lokhu engikholelwa kikho, ngalokho kea bantu labo ebebaphethe bebangangifuni enarheni le. Ngelinye ilanga ngangivuma e-America, ngatjelwa bona ngingasabuyela ekhaya.

Iphasi mazombe lezwa indaba yami. Iingoma zami Kanye nedaba zasiza abantu abanengi babone bona iSewula Afrika yinarha engaphathi kuhle abantu abano mbala onzima. Ngaqubeka ngokuvuma ngezehlakalo ezenzeka enarheni yekhethu.

Umhlaba woke bewuthanda umvumo wami begodu nangiyokuvakatjhela inarha ezinye bangimukela ngezandla ezifudumele. Ngathola imiphumela bengodu ngaculela nabandu ababalulekileko. Khange ngacula enarhani yekhethu ngombana abantu bakhona ngade bangaphasi kwegandelelo bedodu kungana nkululeko.

Izinto zatjhuguluka ngesikhathi uNelson Mandela nakaba ngumgameli weSewula Afrika. Abantu abatjha baphatha bese imithetho yegandelelo yakhamba. Ngabuyela ekhaya ngethemba elitjha.

Ngemva kwalokho ngakwazi ukuvuma enarheni ekhululekileko. Abantu bemibala ehlukahlukeneko bagidinga umvumo ngokuhlanganyela. Ngasiza ukukwenza lokhu ngombana benginamandla begodu ngingasabi. Bengivuma ngeqiniso kizo zoke iingoma zami.