Kwasuka sukela, ngelinye ilanga uqongo we pungutjha wavuka ekuseni ngesimerimeri, bekade alambe kwamambala. Amathunjanakhe bekade arhidla isililo sendlala. GRrrrrr! Weqela phezulu afuna ukudla ngapha nangapha.

Warareka hlangana nemithi emangweni isikhathi eside ngaphandle kokufumana okuya ngethunjeni. Ilanga belitjhisa tle. Ipungutjha enguqongo ithayiza kodwana angaboni kuhle eduze kwakhe ngebanga lendlela.

Yarhidla isililo ipungutjha "Aaaauuuu," yawela ngesizibeni samanzi esiphambi kwamehlwakhe, phela indlala iziphamandla yeke-ke akhange abone bona kunesiziba phambi kwakhe.

"Mmayeee ingwani yami!" phela uyakhumbula. "Kufanele ngiphume ngapha ngesizibeni. Nakungasinjalo ngizakubulawa yindlala."

Ipungutjha enguqongo yarhidla esikhulu isililo yamemeza "Ngisizani! Ngibawa isizo!" Udumbana udla utjani phetjheya kwesiziba esizele amanzi. Ngetjhudu wezwa bona yipungutjha elilako watjhinga ngesizibeni ngebelo.

"uMraro yini?" udumbana abonakale mbala bona liyamkghabhudlha isizi. "Amanzi wesiziba la amnandi kwamanikelela. Nginesizungu nangiduda ngingedwa. Yewize sidude sobabili."

"Ilanga litjhisa khulu," kutjho udumbana. "Ngaphandle kwalokho angikwazi ukududa mina." "Yeqela ngaphakathi ngizakusiza bona uphume," kuthembisa ipungutjha enguqongo.

Mbala udumbana eqele ngesizibeni ngelikhulu ithabo. Ipungutjha enguqongo yeqe iphumele ngaphandle ifese ife ibulawakutlitlitheka, ihleke beyiphume iminyembezi ngemvakwalokho idle phasi ngebelo ibaleke. Udumbana wacwila wabhalelwa kuphuma ngemanzini, wamemeza wathi, "Sizani! Ngibawa isizo!"