Mmutsuru kwa Elureko, lialio lishene liali neshibeera khase. Buli shise olwa lianyoolanga omwana, yafwitsanga.

Obutsune bwokhufwisia abaana baye bwachiranga lishene liruma ekulu nende hasi. Liarumanga okhurula khwisaka elala okhutsia khulindi, nilirira, "Kwi! Kwi! Kwi!"

Lishene liali ne shibeera buli shise. Liali nende eshibeera muno olwa lialola amashene kandi nabaana babo.

Lishene lieshibeera liekhalanga khulusaka lienga ekulu. Tsinyanga tsiabira ne lishene listiririra okhulira muno.

Liebula omwana khandi. Liakhalaka liparo okhuira omwana oyo khunjira kho ababiri bamulole nokhumuha tsikhabi.

Lishene liekha khulusaka nelira omwana khunjira. Mufise efio, omuyiimi yali akalukha nango. Yalola omwana we lishene nakonere khuluchinga lwe injira.

Omuyiimi yachinga omwana wa lishene nayiira nango uwe. Olwa yatukha nango, abasiani baye bataru benya okhuchinga omwana wa lishene.

Abasiani bataru babaya nibeemba: Khafube ekulu! Khafube hasi! Khafube khu isie! Khafube khu ulia! Omwana wa lishene yafubwa okhurula khu mwana mulala okhutsia khu undi.

Olwa abasiani bataru bali babaya nende omwana wa lishene, lishene liali lifisire mumusala lilinga. Liali noburi omwana waye uno yakhafwire nga abandi.

Omukhaye wo muyiimi yetsa nalola abaana baye nibabayanga nende lishene lititi. Yababolera, "Mube abalenjerefu! Kharere hano. Mulakhalakasia!"

Yachinga omwana wa lishene mumakhono kaye, nakhalamira tsikhabi.

Omukhaye wo muyiimi yara omwana wa lishene hasi. Lishene liafumberera omwana waye. Liakhamulushira mumusala ekulu. Shiafwisia omwana undi khandi ta.