Sɔʻɔŋa n daa ga apulɛ tia tilum la.

Ti apulɛ ze'ele tia la zuo lui na.

Ti sɛla yeti, "Zoi sɔʻɔŋa zoi!"

Ti sɔʻɔŋa daa kɔʻɔm vaɛ isege zɔta.

A daa ta tu'usɛ la nɔbila. Ti nɔbila soke e yeti, "Beni ti fu zɔta?"

Ti sɔʻɔŋa yeti, "Mam ka baŋɛ. Mam nyɛ la sɛla n ze'ele tia zuo luta gee ti sɛla me yele mam ti, 'Zoi sɔʻɔŋa zoi!'"

Nɔbila n kɔ'ɔm ta wum sɔsega wa ba'asɛ la, dabeem daa kɔʻɔm kɛ e mɛ ti a me pɔsɛ zɔta.

Ba daa ta tu'usɛ baa. Ti baa soke ba ti, "Beni ti ya zɔta?"

Ti nɔbila yeti, "Mam ka baŋɛ. Gee mam wum la nɔbila yele se'em la ti eŋa ka baŋɛ. Gee eŋa nyɛ la sɛla ze'ele tia zuo luta gee ti sɛla yele eŋa ti, 'Zoi sɔʻɔŋa zoi!'"

La daa iŋɛ baa la pakerɛ la sɔsega la ti ba tu la.

Ti eŋa me daa pɔsɛ zɔta.

Ba daa ta tu'usɛ la yeefo ti. Ti yefo soke ba ti, "Beni ti ya zɔta?"

Ti baa yeti, "Mam ka baŋɛ. Gee mam wum la nɔbila n yele se'em la ti eŋa me ka baŋɛ. Gee eŋa wum la sɔʻɔŋa yeti eŋa ka baŋɛ."

"Gee eŋa nyɛ la sɛla n ze'ele tia zuo luta gee ti sɛla me yele eŋa ti, 'Zoi sɔʻɔŋa zoi!'" Yeefo me pɔsɛ zɔta.

Ba daa zɔ ta tu'usɛ la boŋa. Ti boŋa soke ba ti, "Beni ti ya zɔta?"

Ti yeefo yeti, "Mam ka baŋɛ. Gee mam wum la baa yeti eŋa ka baŋɛ. Gee eŋa wum la yeefo yeti eŋa ka baŋɛ. Gee eŋa me wum la baa yeti eŋa me ka baŋɛ. Gee eŋa wum la nɔbila yeti eŋa ka baŋɛ."

"Gee eŋa wum la sɔʻɔŋa yeti eŋa nyɛ la sɛla ze'ele tia zuo luta na gee ti sɛla me yele eŋa ti, 'Zoi sɔʻɔŋa zoi!'" Ti boŋa me pɔsɛ zɔta.

Ba ta tu'usɛ la naafɔ. Ti naafo soke ba ti, "Beni ti ya zɔta?"

Ti boŋa yeti, "Eŋa ka baŋɛ. Gee eŋa wum la yeefo n yeti eŋa ka baŋɛ. Gee eŋa wum la baa yeti eŋa ka baŋɛ. Gee eŋa wum la nɔbila yeti eŋa me ka baŋɛ. Gee eŋa wum la sɔ'ɔŋa yeti eŋa ka baŋɛ."

"Gee eŋa nyɛ la sɛla n ze'ele tia zuo luta na gee ti sɛla me yele eŋa ti, 'Zoi sɔʻɔŋa zoi!'" Ti dabeem kɔʻɔm nyɔkɛ naafo ti eŋa me pɔsɛ zɔta.

Ba zɔ ta tu'usɛ la sakua. Ti sakua soke yeti, "Beni ti ya zɔta?"

Ti naafo yeti, "Eŋa ka baŋɛ. Gee eŋa wum la buŋa yeti eŋa ka baŋɛ. Gee eŋa wum la yeefo n yeti eŋa ka baŋɛ. Gee eŋa wum la baa yeti eŋa ka baŋɛ. Gee eŋa wum la nɔbila n yeti eŋa ka baŋɛ. Gee eŋa me wum la sɔʻɔŋa n yeti eŋa ka baŋɛ."

"Gee eŋa nyɛ la sɛla n ze'ele tia zuo luta gee ti sɛla yeti, 'Zoi sɔʻɔŋa zoi!'" Ti sakua me pa'asɛ ba puan ti ba lagum zɔta.

Ba nyaa ta tu'usɛ la budibela n bã'ari a kutayeefo soke ba ti, "Beni ti ya zɔta?"

"Tumam ka baŋɛ. Gee tumam wum la sɔʻɔŋa n yeti eŋa ka baŋɛ. Gee eŋa nyɛ la sɛla n ze'ele tia zuo luta na gee ti sɛla me yele eŋa ti, 'Zoi sɔʻɔŋa zoi!'"

Ti budibela la la gee yeti, "Kusebego la n lobe ti apulɛ la ze'ele tia la zuo lui na la. Mam n bala yeti, 'Zoi sɔʻɔŋa zoi!' la."