Miwa goo puan la, ŋmaaŋa n daa boi ti saŋa woo ti ka suure kↄ'ↄm sa'am. A san dↄgε bia saŋa woo, ba kiiri mε.

~Maaŋa wa kↄma kia la sudεka wa n basε ti a εgera tiŋa la suazuo lɛbera ke dee lɛbera ke. A ni εkε mε loge wile ina dee lebe wile ina dee kaasa, "Ki! Ki! Ki!"

~Maaŋa wa suure daa kↄ'ↄm sa'am mε saŋa woo. A daa ni san kↄ'ↄm iŋε a ŋmaantadaaduma la ba kↄ'ↄma a suure ni kↄ'ↄm sa'am gaŋɛ mε.

~Maasεka suure n daa sa'am la, a ni miim siŋε kei dee lebe kei. A ni miim siŋε wile kana loŋe wile kana Dabesa daa tole mε dee ti ŋmaaŋa wa kelum kaasa.

Nyaa daa dↄgε. A daa nyaa dikε a bia mea siŋε la sore nuurum ti nεresεka woo n tole, wan nyε bia la dee bo e zusↄŋↄ.

~Maaŋa daa zom la wele zuo ka yaga dee basε bia la sore zuo. Sankaŋa mε, ti tu͂'usa n mε daa lebere kula. A daa nŋε ŋmaabiire la n daa gã sore nuurum.

Tu'usa la daa dikε ŋwaabiire la tari kule a yire. Tu'usa la n daa paε yire la, a bidibeto ba tã n daa nyaa de'eni la ŋwaaŋa bia la lεi.

Budibeto ba tã la daa nyaa yum yeti: "Dikε e lobe saazuo Dikε e lobe basε basε diŋa Dikε e bole man Dikε e lobe e!" Kↄma la daa dikε ŋwaabire la tara lͻbera bↄ'ↄra taaba bala.

Kↄma la n daa de'eni la ŋwaabiire la lεi la ti ŋmaaŋa la nyaa daa sugε tia zuo dee bisira. Dabem n daa tari e la bikana mε wan ki wuu bana la e ki se'em.

Ti tu'usa pↄga la daa wa'am nyε a kↄma la n de'eni la ŋmaabiire la se'em. Ti a tãsε, "Yeti tari e wa'am na mina dee fu wan iŋε ti a lui!"

A daa dikε ŋmaabiire la iŋε la a bↄkum nyaa kã bo e.

Tu'usa la pↄga la n daa dikε ŋmaaŋa la lebe zi'ire tiŋa la, a ma la puure nyaa daa kↄ'ↄm ba'am pee mε ti a zↄta geligera. Woke a daa nyaa daa dikε a bia la iŋε la a nyum dikε suŋε lebe zom tia la zuo.