Mwideŋo lye Mwiwa, mwalimo ekima eyaali n'enaku. Hiisi olu yasalanga enyana nga yi fa.

Obusiba w'ohufirwa wagema ekima yatuuma tuuma. Yatuumanga yaŋwa hu lusaga nga yitiina hu lundi, "Kwi! Kwi! Kwi!"

Ekima yabererenga mu hweralihirira aye yerarihiriranga bugaali ni yahawene ejahye ni jisundya abaana baajo.

Ekima yino yaha cuhiye eno ninera yesubajira mu masaga g'omusaala. Endaalo jabitaŋo yaliranga nyo.

Ehiseera hyolire nga esaala. Ya salaŋo etiine hupi no lugudo ababiita bayiŋe ekabi, enyana etafa hyejahye.

Ekima yaninuha nga yitengeha omwana hu ngira. Mu haseera aho omuŋiimi gabugula ahaana h'ekima nga ahaŋira ewuwe.

Omuŋiimi gadunda ahaana he kima gaŋira ewuwe. Nigola engo abasani babe abadatu batagiha ohuhagudusa.

Abaseere abadatu bembanga baati,  "Haholoŋe ŋamugulu. Hadanye ŋaasi. Danya eno. Danyira ola."

Abaseere bagudulanga na hahima, ni hehaye hu musaala ni ha balengereye. Yatyanga yiti omwana ono yeesi aŋanga gafa hyabahye.

Nga aŋo omuhasi w'omuŋiimi gagaana abaana babwe ni bagudusa ahakima. Ng'aloma n'obuhenerefu ati, "Mwegenderese! Muhaleete eno. Mutahahubbiraŋo."

Gahalera n'ahasabira emiyaaya.

Omuhasi w'omuŋimi gahata ŋaasi, ekima yaaja neduluma namasanyu. Yahafumberera nga yituumira hu musaala.