Hale ho mu hitehere hye Bubaali yaliyo omusinde ni bamulanga bati Hiyubi. Galinga n'omulyerye gwe'nyama bugali weene.

Lulala omuŋugi we hitehere hy'e Bubaali galanga abehaasi hu higoole hy'omusaani.

Hiyubi yeesi gaŋuliye ati omuhiji ogundi gwa mu hitehere hy'e Bugabule. "Ugh! Emihiji ebiiri hu ludaalo lulala," Hiyubi geŋeegamo.

"Tehwa ohuba hu mihiji jombi," Hiyubi galomire. "Nahehere natiina e Bugabule ko nagobola e Bubaali."

Hiyubi gaŋuna mu mawiiwi ngatiina e Bugabule. Ni gahejaheja gafania ati omuhiji gutatagiha. "Hangoboleyo e Bubaali, nagobole e Bugabule hale," Hiyubi po gasalaŋo.

Hiyubi gagenda ni goola e Bubaali n'esuubi ati anagaane enyama n' enyiye. Hunyanga eyo enjala yaali eri humuluma bugaali. Nigolire, abaatu bali bahinyiiya ebiryo.

"Ndehire abanyiiya e Bubaali ni batagiiha ohunyiiya," geŋeegamo. "Ebiryo bitehwa ohuba ni binyiiye ŋahani." Hiyubi gasalaŋo ohugobolayo e Bugabule.

Hiyubi ni golire hu mu hiji gwe'Bubaali abaatu baali bahenire hale ohulya. Abegeni baali hu hutonera abagole ebirabo.

Hiyubi gaali muhodo mwene. Si gaali n'ehirabo ehy'ohuŋayo. Gendiire hulya.

Hiyubi gasalirwa nyo ohutafuna e'byohulya. Gasalaŋo agoboleyo e Bugabule. Ejala yali emuluma bugali bwene ate nga adembire natasobola na huŋiita ho nyo.

"Ndehire abanyiiya e Bugabule ni batagiiha ohunyiiya," geŋeegamo. Ebiryo bitehwa ohuba ni binyiiye ŋahani. Hiyubi gasalaŋo ohugobolayo e Bugabule.

Nigaŋuliye ati ebiryo bibulaŋo gaguye gafaho olwehyo. Gaali afiriye enyama hu mihuji jombi. Ganuhayo n'abusera mu hahoopo.

Poola poola ga nyololoha gagobolayo engo n'enjala ate nanakuŋaye.