Edda ennyo, waaliwo omusajja nga atambulira munsiko. Amangu ago, yasisinkana empologoma!

Empologoma yali ewumulidde mu busubi obumpi.

Ensisinkano yali yamangu, omusajja teyamanya kyakukola olw'okutya okungi.

Mukusooka, empologoma nayo yewuunya era n'etyamu. Naye yafunamu okuwuluguma mu lubuto lwayo kubanga enjala yali egiruma.

Mangu ddala, omusajja yesanga ali wagulu ku muti omuwanvu. Naatandika okugirekanira nti, "Genda!"

Empologoma yagalamira wansi w'omuti ng'erindirira ekijulo kyayo. Ekiseera wekyayitawo, empologoma neyeebaka.

Mangu ddala omusajja yasooka neyeebaka, n'azukuka, naddamu n'asumagira, neyebakira ddala.

Naye neyekkata ku mugongo gw'empologoma eyali yeebase wansi w'omuti.

Bombi baazuukuka nga batabuddwa ate nga batidde nnyo.

Empologoma yerabira ekijjulo kyayo n'edduka okutaasa obulamu.

Omusajja n'empologoma badduka nga badda ku luuyi lwe lumu. Oluvanyuma n'akizuula nti, yali adduka n'empologoma.

Awo n'akyusa obuufu n'awona okuliibwa empologoma.