Agasi ni a`a enyati eyi vileri ma alea. Enyati n`du ovu ni tawuni vu ogogo ku. `Ba a`a pi tawuni `di ma alea `diyi andee azini ono adriza Agasi ni Afa eyi vile `diyi ezazu azini e`da yi gbazu zbiri ma rua ri sir ra. E`yo disi eri ma andri ega di e`yo eri ji zu kuzu amvu eyi vile anyapa pie ri ma alea. Pari amvu ni anyapa tabazu `da le ri eco ovu onyiru Agasi ma dri aruzu adriza eri ni `ye onzi `diyisi ni. Agasi ma andri pe di eri ma ti azi ngazu `dale Matua be anyapa ma ageyi te ria.

O`biti drio drio Agasi pi mu Matua be pari anyapa yi ma tambibazu ri ma alea, yi ecozu azini yi mvuza fezu eyi dri kpere ondrasi. `Ba ki diyi vini yi odaa afa bani sa amvua `diyi ma dria indi.

E`yo di fe a`oko Agasi dri ambo, eyi ni azi `yele o`du vusi kpere ondresi ri ma e`yo si. Egata Agasi vile risi, le te `I ma eza angu `I, ovuni di ayiko `bazu `I alua ni ku. Te Matua omi eri ma si kini, pari ama ni azi `yezu `di onyiru azini ama eco avitaa nduudu diyi `ye `dia ra!

Matua ni mu azini avi anyapa 'yi pie. Eri eyi dri nyaka fee azini e`yo nze eyi pie indi. Te Agasi ni lu ri anyapa yi oni lu 'i, le ni azi nga anyapa ma amvua ku. Eri ni ega ri si azi ngaza ma orodri 'i ni yo.

Agasi kamu ndree Matua pie avii anyapa yi pie `dini `bo, nzu mbele eri vu azini `ban de `diyi e`do di avi tualu.

Agasi e`do avi anyapa yi pie azini ri otu azini la ti yi ma ngakua. E`yo di fe candi Matua dri tu a`dusiku geni Agasi ni avizu ri feni di ayiko eri dri alu ni ku.

"Avita do ndri saaru, Matua 'eyo te mini 'yo ri eyo adani, a'ata amvua ri ndri saaru. Hahahahah." Agasi 'yo di.

Agasi onyo azini otu nyaka amvu ma alea `diyi onzi onzi. Dika ofu vini anyapa yi pari eyi ma tambazu ri ma alea ri si amve muzu angu ezazu tawunia.

Sawa were ma vutia anyapa Agasi ni ofuu `diyi ere eyi tawuni ma alea si woro woro. `Ba tawunia `diyi ka mu anyapa yi ndree `bo, `ba `diyi ni `yozu coti kini `diri Agasi ma adriza onzi e`yo `yezu ri `i. A`u ri di onzu `dile azini `dole, anyapa ri afa `ba tawunia `diyi ni sale eyi vile amvu ma alea ri nya. E`yo `di fe A`oko `ba tawunia `diyi dri tu, anyapa yini angu ezale turi si.

E`yo dria eca ewaru azini anyapa e`do di Agasi pi odro Mataua be `ba azi `diyi pie indi. `Ba dria e`do di ota e`yo `disi kini, "kirikirisi Agasi, e`yo mini `yele `dinileri a`du ni ya? Mini fezu anyapa yi dri angu ezazu teke teke di le! Agasi omvi kini, a`ye aduni afa ni ya?"

Matua nga di `yo Agasi dri kini, eyo ma oku anyapa yi nguluru jizu pari eyini a`a zu ri ma alea mbeleru. Azini eyi ma e`de angu amvu alea anyapa ni ezale diyi kililiru denga eyi ma andrii ecani yi vu ku. Ka`dinile `ba ini `diyi e`do di angu amvu alea `diyi ede azini yi odazu ori amvua `diyi ma dria ri pie. Agasi ogo anyapa yi woro amvua rile sawa `yeke ri ma alea denga andrii ecani ku.

Sawa werea ma vutia afa te yi ezapi amvu ma alea `diyi eca onyiru yi ma paria ogogo. Agasi nga di `yo Matua dri kini, awa`difo azi amani `yele disi. Afa amvua `diyi yi ma paria te okori le `bo! Matua nga `di `yo ayikosi kini Eee, adaru ama `ye onyiru ra!

`Ba `diyi ni afa amvu ma alea `diyi ezazu ri ma paria, Agasi pi ori di vaa pati etia mengo mbezu endrikaa azini avi anyapa yi be `i. Agasi awi ni di e`yo te erini `yele onzikanyaru ri le dikaku. Oja di a`a anyapa yi pi andriza onyiru risi, angu eza kokoru.