Wandiyo fo day no-ya kaŋ se I ga ne Tasalla. Kaŋ baabo bu, nga nda ɲaŋo hinne no go ga baafunay. Han fo, Tasalla ɲa ne a se am naŋ ngey ma gana ga ye kwaara for a fanda kwaara zeena.

Tasalla si ba nga ma dira ngey kwaara zeena. A dig a hẽ kala a farga. ɲaŋo mo si ba nga ma dira ga a naŋ no-din. Zama gorzo yaŋ no go kwaara zeena banda tondey ra. Amma Tasalla hẽẽno ba gumo kala ɲaŋo dira ga a naŋ.

Tasalla ɲa ne a se nga ga kande a se ŋwaari zaari kulu. A ne se da nga kaŋ, "nga ga doonu no, a ma du ga bay kaŋ nga no. A ne a mi fuwo feeri boro kulu se."

Tasalla ay izo! Tasalla ay izo! Fatta taray, ka ga ŋwa dambu ne-ya! Fatta taray, ka ga ŋwa dambu ne-ya! Tasalla ay izo! Tasalla ay izo! Fatta taray, ka ga ŋwa dambu ne-ya! Fatta taray, ka ga ŋwa dambu ne-ya!

A suba, Tasalla ɲa ka fu ga kande a se ŋwaari. A sintin ga doonu: Tasalla ay izo! Fatta taray, ka ga ŋwa dambu ne-ya! Tasalla na fuwo feeri, a na nga ŋwaaro ta ŋwa.

Ɲaŋo na a di ga kankam nga gande ra. Tsalla furo nga fuwo rag a koy ga kani. Wiiza gorzo fo go ga tugu saabareu banda, a ma Tasalla nda nga ɲa sanney kulu.

Waati kaŋ tasalla na danjey wi ga kani, a go ga ma jinde guuso fo kaŋ go ga ɲaŋo doono dumi te fuwo me-ga: Tasalla ay izo! Fatta taray, ka ga ŋwa dambu ne-ya! Tasalla ne a se: "Sobay ga koy! Ni manci ay ɲa, ni wo gorzo no." Kaŋ gorza ma wo-din, a moso-moso ga ye banda ga ye nga tondey ra.

Cin nda zaari kulu Tasalla Ma ga kande a se ŋwaari. Cin nda zaari kulu mo no gorza ga ka nga mo. Amma waati kulu, Tasalla ga a gaaray. Zama a go ga faham kaŋ manci nga ɲa jinda no.

Han fob inde, gorza du dabari fo. A ne nga ga nga jinda bare no ga te Tasalla ɲa wano dumi. A na danji bambata fo funsu ga tondiize yutto fo catu a ra. Waati kaŋ tondiizo dungu gumo, hala a ciray, a na ka ga gon. "Gulgulgul" tondiize dunga go ga zumbu kaara ra haray.

Gorza sintin ga doonu ga di hala nga jinda hima Tasalla ɲa wano dumi. A ma kaani kaŋ a di nga jinda barmay ga te Tasalla ɲa wano dumi.

A suba, za nda hinay, gorza koy Tasalla kwaara. Kaŋ a to fuwo me ga, a sintin ga doonu: Tasalla ay izo! Tasalla ay izo! Fatta taray, ka ga ŋwa dambu ne-ya! Fatta taray, ka ga ŋwa dambu ne-ya!

Tasalla ma kaani, a miila nga ɲa no. Kaŋ a na fuwo feeri kala a di gorza go ga kay nga jine. A ne nga ma fu-mayo daabu, gorza na a kosaray. A na Tasalla dig a daŋ nga foola ra.

Gorza go ga koy nga fuwo do. A ga dira a ga doonu, kaani maayaŋ se. A go ga ne: "Doŋ da ay gonda ba ay cappaalo kayna no, doŋ ay ga ma kaani ga tonton, zama ay hawra boori. Hunkuna wo zaari hanno no."

Zaaro ra, Tasalla ɲa ka a do, a kande a se ŋwaari. A na nga doono te. Tasalla mana fatta. A ye ga doonu koyne, Tasalla mana fatta. Sorro hinzanta ga, a na fu-mayo tutay ga furo, a man di nga izo. A bina sara, a go ga dambara nda hari kaŋ du nga izo. A go laasaabu mate kaŋ nga ga te.

A na cappaalo daŋ gaasu beeri fo ra, a na dake nga boŋo ra, a z aga ne tondey ra. Kaŋ a ka gorza kwwara, a salam i ga. Gorza ma cappaala haw kaana, a na fu-mayo feeri waasi-waasi. Tasalla ɲa ne a se: "Mate ni go?" A ye ga ne a se: "Ay go ga bisa no, ay ma ni go ga dooni kaano fo te. Ay go ga bisa no ga koy kwaara fo ra buci beeri fo do."

Gorza mo si ba cappaala din ma bisa nga ga. A ne waybora ma furo nga fuwo ra. Waybora ne a se: "Naŋ ay ma ni no baji kayna hala ay ga bisa." Gorza ma kaani, a na bajo kulu haŋ.

Tasalla ɲa go day ga a no bajo, kala gaaso ra wano kulu ban pat! Kaŋ gorzo su gumo, a go ga furu laabo ra.

Waati kaŋ Tasalla ɲa ma gorza go ga korro gumo, a na foola feeri kaŋ Tasalla go, Tasalla du ga fatta. Ngey boro hinkaa zuru kala ngey kwaara. Za han din, Tasalla ye nga ɲa do kwaara tajo ra. I go ga gey baafunay te ga ma kaani.