Wandiyo fo kaŋ se i ga ne Mulongo, nga nda nga hayrayey go ga baafunay Budongo kwaara jare ga. Han fo, Mulongo ɲa na a donton hari guruyaŋ dayo ga.

Fonda boŋ, a kubay nda nga corey. I go ga koy saajo ra tuuri kuuyaŋ. Mulongo gab a nga ma I gana, a ne: "Wa suuru ga ay batu Mubul tuuri-ɲaŋo cire hala ay ga konda ay ɲa se hari ga ka." A corey wangu ga kay se.

A ne i se to i ma koy, nga ga i to saajo ra. A zuru ga koy dayo ga, ga haro guru ga kond'a ɲaŋo se. Nga ga zuru ga corey hamnay.

A koy gag ana fondayze fo kaŋ ka ga bu bangu fo ga. Bangu kambu fa ga, fondayze boobo fo go no, kaŋ yaŋ ga gana jarjara kulu. A ne: "To man ga haray no i gana?"

A di fonda kaŋ beeri nda ikulu, a dira kala a farga, a mana di nga caley. Kaŋ a farga nda dirawo, a goro tuuri-ɲa fo cire ga fulanzam, jirbi na a sambu.

Alwaato kaŋ Mulongo moy koy ga hay, a di kubay koonu. Kuba ra, a go ga di moyze fo yaŋ kaŋ ga say bazaw. Wiiza kooro yaŋ no na a daŋ bindi. A humburu kala a si bay hari kaŋ ra nga go. A ceeci ga zuru, kooro na a daŋ bindi zama i ma haray.

Koora kaŋ je nda ikulu ne a se: "Ma si miiri no-din, da ni zuru, iri ga ni ŋwa!" Mulongo na i ŋwaaray ga ne: "Wa suuru ga naŋ ay ma koy fu."

Koorey wangu, i na a sambu ga kond'a ngey kwaara saaji fimbo ra. Bukka zeeno fo no, kaŋ ga to nda biri, hamni bi go batama kulu. A kani ga te danga nga go ga jirbi no.

Kuba ra, a go ga ma koorey go ga salaŋ nda care. Afo ne: "Mate cine no danjo go?" a ye ga ne: "Haro go ga zarga?" Afo tu ga ne: "Soolaa kulu ban; ay ma kand'a no?" koorey saba ga ne "kand'a, kand'a, i haray gumo." I ga ba ga Mulongo ka bukka ra.

Kooro beero ne: "He yaŋ, wa hangan. Wa si dirɲan iri kwaaraa naamo. Kooro kulu si ŋwa nga hinne. Wa naŋ iri ma iri caley kulu burɲe." Wando ne: "Ay ga ay anzurey ce." Kooro kaynaa mo ne: "Ay ga koy ga ay baasey ce." Afo mo ne: "Ay ga koy ga ay kayney nda ay waymey." Kooro beero ne: "Ay wo, ay ga kay ga iri ŋwaaro batu."

Kooro beero goro fu-mayo ga, cindo mo zuru ga furo saajo ra ga koy ga caley ce. I gay hala i ga ka, dusungu sintin ga kooro beero di danjo gande. A jirbi hala a sintin ga korro. Mulongo saaya do no-ya. Amma mate no a ga te ga bisa koora ga? Koora beera se, a na fu-mayo kulu wi.

Dabari folloŋ no a se. A ye banda ga koora sar, ga koy kaŋ ya-haray. A haamay ga zuru.

Waati kaŋ koorey kulu koy ga ka, i di wo kaŋ te, i kaŋ a ce-bande ra nda ngey londi-buunay. Amma a na i yana.

Waati kaŋ a to ngey kwaaraa ra, kwaarayze fo na a bay, a kuuwa ga ne: "Mulongo ye ga ka" Ɲaŋo nda baabo zuru ga ka a do. I na a ku ga ganday, ga Irkoy saabu kaŋ na ngey izo faaba. I ne: "Mulongo, iri miila ni bu no."

Za zaro din, Mulongo nda zanka jarey mana ye ga ye koine saajo ra ngey hinne.