Kaŋ Akay go wandiyo kayna, ɲaŋo ga a kanandi tangara hanno fo boŋ. Kongu tangara fo dumi no kaŋ Akay hawayo kay a se.

Tangaraa harey ga furo mo ra gumo: ciray, bula nda boogu. A ga waana tangara cindo kaŋ go ɲaŋo se nga bukka ra.

Laabo kaŋ go ga fuwo windi ga koogu, a ga dungu, a gonda tondi. A ra gonda gondi nda daŋ yaŋ. Akay lakkal si tun gondey nda daŋey din se.

Ɲaŋo ga ne kaŋ: "Akay tangara maamaacanta no go ga a hallasi ga wa nda gondey nda daŋey."

Akay gonda lakkal gumo. A ga bay nangu kaŋ day haro si mooru.

A ga bay nangu kaŋ Maɲata kaŋ ga ti kaayi waybora yaŋ kwaara go. A ga cin ga koy ga yo wa haŋ kayo do.

Han fo, Akay mana te saaye. Kaayo do koyyaŋ boŋ no a daray tondey ra. A humburu.

A goro tuuri ɲa fo cire ga faaba batu. No-din no jirbi na a sambu, hala nda hindiri yaŋ.

A hindiri kaŋ nga go ga kani nga tangaraa maamaacanta boŋ. Kaayo go ga haaru, a go ga yo wa gombo beeri fo sale a se. Waati kaŋ Akay na nga kambe sale ga ne nga ga waa ta no moyey hay.

Akay na nga moyey feeri moso-moso. Waati kaŋ a na nga boŋ sambu, a di curayze boogu kayna fo, kaŋ go tuuri-kambe boŋ, nga boŋo deedandi.

Waati kaŋ Akay tun ga kay, curayzo go ga nga fatey kar-kar ga fonda cabe a se. A na curayzo gana.

Akay ka ga to nangu kaŋ fonda ga fay ihinka. Curayze boogo na tangara patarmi fo kaŋga hima a wana taŋ ganda.

Kaŋ a ne nga ga tangara patarmo sambu, a di ce taamuyaŋ do tangaraa ga. A faham kaŋ nga ɲa ce taamuyaŋ no. Wo-din banda, a di dayo kaŋ do i kwaara borey go ga hari guru.

Akay yaŋ kwaara borey go ga doonu, i go ga gaanu a kaayaŋo se. I na feeji fo wi ga ton, ga burɲe te Akay kaayaŋo ma ga.

Akay goro nga tangaraa boŋ ga ham dumbari kaso fo ŋwa ga ma kaani.