

Ndegooɗom, waɗiinoo suka debbo pamaro mbi'eteeɗo Teselan. Gaɗa maayde abbiiko, Teselan tan wonndi e inniiɗum. Nyannde gooɗom, inna on wi'i Teselan kamɓen eggan njooɗowo nder wuro wonnduɓe maɓɓe.
Teselan muuyaay eggol ngol, nden o naati imo wulla, no o waanja gonÉ—i. Inniiko huli accude mo kanko tan, ngam guuturuwo ladde É—uuÉ—uko, mawko sanne, tawaako nder gayÉ—e, É—e wuro ngon anndiraa. Teselan wulli faa naawi, ammaa É—um aÉ—aay, inniiko eggude, naako nii, o acci mo É—on kanko tan.
Inna Teselan wi'i no waddan mo neema nyannde fuu. "Mi yiman jimol gooɗom, a faama ko min non. Suka am, ta maɓɓitanaa baa go'oto dammbugal ngal." Ko inna Teselan wi'i.
Teselan suka am! Teselan suka am! Wurta, ngaraa, nyaamaa giriyo maaÉ—a! Wurta, ngaraa, nyaamaa giriyo maaÉ—a! Teselan suka am! Teselan suka am! Wurta, ngaraa, nyaamaa giriyo maaÉ—a! Wurta, ngaraa, nyaamaa giriyo maaÉ—a!
Jahngoore muuɗum, inna on wartoyi, waddani Teselan neema. O fuɗɗi imo yima: Teselan suka am! Wurta, ngaraa, nyaamaa giriyo maaɗa! Teselan maɓɓiti dammbugal ngal, o nyaami neema inniiko lamsuɗo.
Inniiko molmi o, nden soÆ´Æ´itii wuro. Teselan naati nder suudu, foonditi fukkorgo muuÉ—um. Tawi guuturuwa ladde gooÉ—om no suuÉ—inoo gaÉ—a guumooje É—en, no hettinanii Teselan e inniiÉ—um!
Wakkati Teselan nyifunoo jeyngol muuɗum, say o nani sawto daande teddungo gooɗom, no yima jimol inniiko dammbugal suudu ndun: Teselan suka am! Wurta, ngaraa, nyaamaa giriyo maaɗa! Teselan wi'i: "Njehee! On kanaa" "Inna am! On guuturwa mawnga non!" Guuturuwa ngan takkitii, nder mettorgal ɓernde, o majjoyi nder gayɗe ɗen.
Subaka e laasara fuu inna Teselan no waddana o neema. Subaka e laasara fuu guuturuwa mawnga ngan duu no wara to makko. Ammaa, wakkati fuu nga wari, Teselan riiwa nga. Nde guuturuwa ngan no yiÉ—i faa yima jimol innko fuu, imo anndita sawto daande magga teddungo.
Nyannde gooɗom, guuturuwa ngan heɓi nufaare: "Miɗo waawa wayli sawto daande am heɓa mi nanndina nde e nde inna Teselan!" Nga waɗi duɗal yiite mawngal, nga bugii hayre ɓotiɗinnde gom nder yiite ngen. Ko hayre nden wuli faa wojji, nga itti nde, nga moɗi! "Gulgulgul!" Hayre wulnde nden wittorii non nder konolol magga.
Guuturuwa ngan fuÉ—É—i no yima faa daara yala sawto daande muuÉ—um waylake. Nga fitti nder welowelo ko nga nani sawto on nanndii ba sawto inna Teselan!
Jahngoore muuɗum subaka, guuturuwa hejjiri ɓaade Teselan. Ko nga yottii dammbugal ɓaade nden, nga fuɗɗi inga yima: Teselam suka am! Teselam suka am! Wurta, ngaraa, nyaamaa giriyo maaɗa! Wurta, ngaraa, nyaamaa giriyo maaɗa!
Teselan weltinii ko nani sawto daande welnde hano nde inniiko nii. O maɓɓiti dammbugal, guuturuwa no darii ɗon! O filii faa o maɓɓa dammbugal ngal, ammaa guuturuwa ngan haarii naati. Nga nanngi Teselan, nga faɗɗi nder mbasu.
Guuturuwa ngan fa'i gayka muuÉ—um, inga yima nder welo welo. Nga Æ´ami ho'ore magga: "Se nii miÉ—o tawranoo bagi finaa-tawaa, É—um woonanno hiraande am sanne. Nyallooma lobbo oye woni oo!"
Ko nyawli seɗɗa, subaka, innaTeselan waddanoyi suka debbo neema no woowirnoo. O yimi jimol makko, ammaa Teselan wurtaaki. O yimitii jimol kaden, faa han Teselan wurtaaki. Gaɗa ko o yimi ngol tataɓere, o tutii maɓɓirgo ngon. O yi'aay Teselan. Kumpa majjum nanngi o, nden o miiji dow ko yaawi faa o waɗa manyeere.
O waanji bagi nder tummbude mawnde, o roondinde, o fa'i gayɗe ɗen nden o yotti dammbugal guuturuwa, o salmini. Guuturuwa maati henndu bagi finaa-tawaa on, nga maɓɓiti dammbugl ngal dow ko yaawi. Inna Teselan wi'i: "Jam waali guuturuwa! Mi won miɗo wittoo ko nanu-mi oɗon njima no wooɗiri. Nder wuro gooɗom poonndii-mi faa mi juulowa nyallaande juulɓe suka goooɗom."
Guuturuwa ngan yiÉ—aa tawee yaraay bagi finaa-tawaa on! O gansitii inna Teselan nder gayka makko. Inna Teselan wi'i: "Accee mi waanjana on bagi on fadde am hooÆ´itaade laawol." Guuturuwa ngan weltinii sanne, dow gaba go'o, nga yardi ko nga wattanaa.
Inna Teselan yeeƴitii waanjani ngan kaden –kaden o ɓeydani nga- Faa to baa fuy tawaaka nder tummbude nden. Jooni kay guuturuwa sulii sanne naako nga ɗaanii e leydi.
Wakkati inna Teselan nanunoo karali guuturuwa ngan, o maɓɓiti mbasu ngun, Teselan wurtii. Teselan e inniiɗum ndoggi law law kooti wuro. Nden warde jooni, Teselan e inniiɗum no mbeltini nder wuro heso ngon!

