Waɗiinoo wakkati, nder wuro Elunyiko niɗɗo gooɗom mbi'eteeɗo Ndonga jooddakeno e deekiiɗum ɗon, imo wi'ee Namukaywa. Sukaaɓe joweego'o ɓe ndanyi ɗon; ɓe fuu rewɓe non.

Nde Namukaywa wonndunoo reedu suka muuɗum joweeɗiɗaɓo, Ndonga sappanii mo: "Se a danyii suka debbo, no haani majjaa. Ammaa se a danyii suka gorko, mi waɗante juulɗe mawɗe!"

Wakkati danyol suka on ɓattinoo, Namukaywa yehi to debbo kakkilaniiɗo rewɓe wonnduɓe deeɗi. Reedu gorko naa debbo njogii-mi?

O danyi gorko e debbo- funeeɓe! O innditiri gorko on Mukawana, debbo on Mulongo. Nde o daarii Mukawana fuu sewo jippotoo dow makko. Ammaa, nde o daarii Mulongo, o weltintaa say ɓalinaango. O miiji huunde wo'otere hoddii ko waɗetee.

Namukaywa acci Mulongo to debbo kakkilaniiɗo sawɓe, o yahri Mukawana to goriiko.

O holli Ndonga scukalel ngel nder welowelo. Huunde nden weli goriiko faa o noddi himɓe wuro ngon fuu ngara mbeltoo ngam o heɓii gorko.

Mukawana mawni, laatii suka gorko lobbo. Mulongo duu mawni laatii suka debbo jom ᶇari.

Nyannde gooɗom, nde o hilninoo jawdi abbiiko, Mukawana yi'i suka debbo lobbo gooɗom. O wi'i nder ɓernde makko: "Oo woni debbo mo dewlan-mi."

Ko o ƴami faa o dewla o, debbo naati no yima: "Mukawanawefwe, Mukawna. So yakupawomunwa, Mukawana. Nebebulawomukana, Mukawna. Barulakakulwanda, Mukawana. Nebebulawomusiyani, Mukawana. Bareramungomuno, Mukana. Iyeyiyakawa, Mukawana. Iyindiyakawa, Mukawana."

Ɗum ɗon waɗii kaden, yeeƴitii waɗi kaden. Mukawana anndaa fuu ko waɗataa. Ndeen o yehi to inniiko, Namukaywa. O wi'i: "Mi heɓii suka debbo lobbo, miɗo yiɗi mi dewlap mo." Ammaa nde ngaddanmoo-mi filla dewgal ngal fuu, jimol go'otol ngol o yimantaka.

Dow ko o miijaay, Namukaywa wi'i mo, "ko suka debbo on yimata no ngoonga. Bannda debbo non. On funeeɓe non. Gorko abba yiɗunoo, o yiɗaanoo mi danya mo debbo. Saabe majjum waɗi ko ɗalu-mi bannda debbo to debbo kakkilaniio rewɓe sawɓe, ngartinmaa-mi wuro."

Wakkati Mukawana fillantonoo abbiiɗum taariki on, abba on annditi ko walaa ngoonga. O noddi Namukaywa ɓe njahidi to debbo kakkilaniiɗo sawɓe ɓen faa ɓe tewta Mulongo.

Wakkati Mulongo yottinoo wuru, abbiiko e nayeeɓe wuro ngon kiirsi mbe'a nden ɓe ngaɗa ɗum fijo finaa-tawaa faa ɓe poonna Mulongo e banndiraaɓe muuɗum worɓe e rewɓe.

Ko waɗoynoo hitaande, ɓii laamiiɗo wuro ngon dewli Mulongo. O waddani koreeji makko jawdi faa ɗuuɗi e hakkillo fukkiingo.