Waɗiino debbo mbi'eteeɗo Mulongo, imo wuurdunoo e saarooɓe makko hadde wuro Budongo. Nyannde gooɗom, inna Mulongo lili o, o filowo ndiyam ɓulndu.

O tawi higiraaɓe makko dow laawol. Nder ladde sukkunde, iɓe njaha faa ɓe teenowa. Mulongo muuyii yahda e maɓɓe. O wi'i: "Ngam Alla ndoomee kam ley lekki mubule! Miɗo haani mi filnowo inna am ndiyam." Ammaa higraaɓe makko njiɗaa ndoomude o.

Mulongo wi'i: "Wooɗi sanne, mi heytoto on nder ladde nden!" O doggi o filowi ndiyam ɗam, o waddani inniiko. Nden o yehi nder ladde nden, faa o yi'itowa higiraaɓe makko.

O tokki laawol ceekol gooɗom. Faro fonngo weendu ngo'oto, laabi potorɗi burtortooɗi nokkuuje fuu no tawaa. "Faro toye ɓe ƴi'uwiri?" imo ƴama ho'ore makko.

O hooƴi laawol ɓurungol yaajude, o yehi, o yehi, ammaa, o yi'itaay higraaɓe makko. Tampiri waawi mo, faa o jooɗi ley lekki, o foyti, nden o ɗaanii.

Wakkati Mulongo finunoo, jemma naatii. Gite oole no ɗelkita nder niɓre. Bu'i no tummbiri mo! Kulal waawi mo faa o heppi haacude. O sii'i faa o dogga, ammaa bu'i dafaaɗi ɗin ngatti mo hakkunde.

Buuru ɓurunde mawngu ndun wi'i: "Ta dirdu ɗon. Se a doggii, min nyaamete!" Mulongo ᶇaariiɓe: "Ngam Alla accee kam, mi hoota wuro am!"

Ammaa ɗum waɗaay, bu'i ɗin njahri Mulongo nder suudu muuɗum'en, tawaandu nder ladde nden. Suudu non tunnundu, heewunde gi'e e buubi ngonu-ɗi no mbommba. O ɗaatinkinii.

Nder niɓre, o nani bu'i ɗin no kaalda. Buuru gooɗom ƴami: "Noye yi'ite ngen? Ndiyam ɗam wawnyii?" "Sirri on fuu gasii." ɗi nootii ndu. "Miɗo waawa yahri ndu?" "Jaati, jaati! Miɗon ndafaa": Bu'i ɗiya nootii. Bu'i ɗin ciryii faa mburtina Mulongo nder suudu ndun.

Ammaa buuru ɓurunde mawngu ndun wi'i: "Bu'i ndaree. To njeggitee ɗatol wuro. Buuru fuu haanaa nyaama feere muuɗum. Eɗon kaani gansito ɗen koreeji ɗin fuu, faa ceennden neema meeɗen." Jom suudu mayru wi'i: "Mi nonndan esiraaɓe am." Buuru fotorndu ndun wi'i: "Mi filoyto denɗiraaɓe am." Buuru ɓurundu mawngu ndun wi'i: "Mi jooɗoto ɗoo, min e neema meeɗen."

Buuru ɓurunde mawngu ndun jooɗi dammbugal suudu ndun, nden ɓeetoo ndilliri nokkuuje fuu. Ko ɗum ɓooyoynoo, buuru ɓurundu mawngu ndun fuɗɗi no ᶇoᶇa yeeso yiite ngen. Saanga muuɗum, o naati imo hara. Saa'a Mulongo non! Ammaa jooni kay hadde buuru ndun, o yawti? Mawngu mayru waɗi ko dammbugal ngal uddi.

Dabare go'oto woodi. O fitti dow sanne, o ƴaarii buuru ndun, nden o doggi kaaddi kuule ɗe koyɗe makko mbaawi waɗude.

Wakkati bu'i ɗiya ngartunoo, nden ɗi nji'i ko waɗi, ɗi njehi pilaaki makko, iɗi kaaccira nder boronndi e ɓerɗe kalkuɗe. Ammaa tawii, ɓe ummaaki law.

Nde o yottinoo nder wuro makko, niɗɗo gooɗom annditii mo, o wi'i: "Mulongo, Mulongo wartii, Mulongo wartii." Abbiiko e inniiko ndoggi, njaɓɓitii mo; ɓe kuufiri mo juuɗe maɓɓe, ɓe tinnii, iɓe njetta Alla ko hallisi suka maɓɓe, "Mulongo, Mulongo, min miijii a maayi!"

Gilla nyanndee muuɗum Mulongo e banndiiraaɓe muuɗum co ƴ ƴitaaki nder labbe nden.