Ebiseera ebyahale, yaaliyo otuseere tune.

Twasomeranga hu Kaguja primary school.

Otuseere twatinanga hu somero ni tutaliyeho maŋolu goosi.

Tweŋongereranga mu hibiina olw'enjala.

Lulala tweyibire mu somero ohuja ohuheja eby'ohulya.

Ni twasomohire hula twagwirihirira oguyembe oguleremayeho emiyembe emirabire.

Otuseere twadulumire twola hu musaala twanoga emiyembe, twamwenyera era twatagiha ohujirya.

Omanyire ehi tuseere tuno twebirira?

Tuba ko tulya omweene miyembe nga aŋwayo naŋaala, huŋaala.

Otuseere twali situmubona. Ni gahabuha, twafulumuha twatiina twehweeha.

Hiisi halala sihehirisanga hahye huholola, huloma oba huhayaana.

Omweene miyembe gawene atyo nga ahubba endulu ejaleeta abaapi n'abaleeŋi.

Otuseere tuno batuŋambire era baatuŋira hu somero balanga abasaaye b'otwibi, abasomesa ko n'abeegi bahyawe ohuhumbana. Ehyali ŋala hyaali hihulu.