Wakkati Rakiya laatinoo suka, dow daago nyeenyungo inniiko ɗaaɗinta o. Bali ngelleeyi goggo Rakiya sanyiri daago nyeenyungo ngoo.

Nooɗe daago ngon no nji'inii: mbojjitoojum, bulajum e ɓokkojum. Nooɗe maggo no ceedi e nooɗe daago ɗe inniiko takki e suudu.

Leydi tawaandi pilkol ɓaade nden no yoori, ndi wuli, ndi heewi kaaƴe. Niɗɗo no tawa nder mayri jahe e bolle. Rakiya farritittaa abada to kujje ɗee ᶇatu o.

Inniiko no wi'annoo: "Daago makko nyeenyungo ngon hallisita mo e kujje bonɗe."

Rakiya no debbo ƴoƴuɗo. Imo anndani to ɓulndu weeyo ɓurunde ɓattaade woni.

Imo anndani to wuro maamiiko debbo woni. Wakkati warde wakkati kanko e maamiiko debbo iɓe njarowa kosam geelooba.

Nyannde gooɗom, Rakiya waɗaay saa'a. O to manyata maamiiko debbo, ammaa o yottaaki, ngam o majjii dow baamle. O huli.

O jooɗii ley lekki nden o filii mballaga. Saanga muuɗum o ɗaanii, imo hoyɗa.

Nanii koyɗol ngol o waɗi: imo fukkii dow daago nyeenyungo ngon. Inniiko no moosa, no hokka o kosam geelooba. Wakkati Rakiya linnyunoo junngo faa jaɓa ɗam, o fini.

Rakiy maɓɓiti gite muuɗum heese heese. Ko o ɓanti ho'ore, foondu bulaaru o holliri dow liccal fotannde ho'ore makko.

Wakkati Rakiya umminoo, foondu ndun fippiti bippooɗe muuɗum, ndu holli mo laawol. O tokkitii foondu ndun.

Rakiya yottii nokku to laawol ngol seenndii nukkuuje ɗiɗi. Foondu ndun yoofi kelitel daago nanndungel ba daago makko.

Ko hoƴƴi kelitel daago ngel, Rakiya yi'i jaaɓe nannduɗe ba jaaɓe inniiko. Gaɗa muuɗum seɗɗa, o yi'i ɓulndu to koreeji makko ƴoogata ndiyam.

Koreeji Rakiya naati no njima, no mboma faa ɓe mbarkitoo mo e garki. Koreeji ɗin kiirsani mo mbe'a, teewu magga haagaa faa ɓe mbeltoo gartuki suka maɓɓe.

Rakiya jooɗii dooow daago nyeenyeengo ngo nden o hooƴi huyre teewu mawnde, o nyaami.