Bipuɣinbil' yurili
Ritah Katetemera
Brian Wambi

N salinli n-yaa zori ka zora. Doo mini o paɣa n-daa beni. Bɛ daa malila bidibisi ayɔbu ni bipuɣimbil' yino.

Bi' puɣinga maa yuli n-daa booni Napari. Napari laamba maa daa yu o pam n-gari bɛ ni daa yuri o tizodobba maa shɛm.

1

O laamba maa daa zaŋla lakɔribila n-ti o pini.

Napari daa yuri lala lakɔribila maa pam. O daa tooi zooi ka o mali li n-dɛmda.

2

Dahinshɛli, di daa niŋ sarati, ka bidibisi maa ŋma Napari lakɔribila maa. Di daa kuli ŋmami m-burisiburisi. O beya maa daa bi mi bɛ ni yɛn niŋ shɛm. Ka bɛ daa zaŋ di chara maa labi mɔri ni.

3

Napari daa bo o lakɔrigu maa shee amaa ka daa bi nya li. O suhu daa yiɣisiya pam ka o kuhi. O daa zaɣisi bindirigu dibu.

O daa balim o laamba maa mini o tizodobba maa ni bɛ sɔŋ bo lakɔrigu maa shee, amaa bɛ daa bi tooi nya li.

4

Napari suhu daa yiɣisiya pam pahi. Ka o daa guui n-kpe yɔɣu ni.

O daa du tia din waɣa gari yɔɣu maa ni tihi zaa.

5

Napari laamba daa bo o shee.

Bɛ daa nya o, ka yɛli o ni o sheena tiŋa. Amaa ka o daa zaɣisi. Ka bɛ lahi yɛli o ni o shee na, amaa ka o na kuli bi saɣi.

6

Napari beya maa daa laɣim taba n-chaŋ ti yili yila niŋ o ni o sheena.

Yilli maa m-bɔŋɔ; "Ti kaluɣi, sheemina ka ti kuli yiŋa. Ti ni bo lakɔri palli n-ti a!"

7

Napari daa zaŋ o beya maa niŋ kpɛrigu.

O daa tɔɣisirila o beya maa n-yiini yili shɛli bɛ ni daa yiini maa, amaa ka lee , "kaluɣi kaluɣi, kaluɣi kaluɣi. Kaluɣi kaluɣi yeeeee!, kaluɣi kaluɣi yeeeeei!"

8

Napari zosimo daa kana ni o ti niŋ nimmohi n-yɔhim Napari ka o sheena.

O yila maa n-daa bɔŋɔ, "N zo, sheemina tiŋa ka ti kuli yiŋa. Ti ni nya lakɔr' palli!

9

Ka Napari daa pili sheebuna belabela.

O zo maa daa kuli yiinila yila maa hali ka Napari ti sheena tingbani

10

Napari daa gbaagi o zo maa gbaari kpeeni n-tabili o maŋa.

Ka bɛ daa doli taba belabela hali ni Napari yiŋa

11

Napari beya maa mini o laamba daa niŋ suhupiɛlli pam bipuɣinsi maa ni daa labina. Daŋ maa mini bɛ zonima ni bɛ mabi' shɛba daa laɣimya n-di ka nyu.

Ka Napari daa niŋ suhupiɛlli ni o lakɔri palli maa

12
You are free to download, copy, translate or adapt this story and use the illustrations as long as you attribute in the following way:
Bipuɣinbil' yurili
Author - Ritah Katetemera
Adaptation - Musah Fuseini
Illustration - Brian Wambi
Language - English
Level - First paragraphs