

Naporoo malila Jaŋkuno ka o yuli booni Kataali.
Kataali mini o bihi ayi m-be Naporoo yiŋa.
Naporoo lahi mali la baa. O yuli m-booni Jebobili.
Jebobili gba bela yili maa ni.
Saha shɛŋa Kataali mini Jebobili laɣimdimi dira.
Baandɔri galisiya yili maa ni. Kataali yuri baandɔri ŋubbu pam. Ka Jebobili mi yu baandɔri karibu pam.
Saha shɛŋ bɛni Jebobili sɔŋdila Kataali n-gbahiri baandɔri.
Yuŋ dahinshɛli, ka nayiɣa daa kpɛna bɛ yili maa ni. O daa kpuɣila binyɛra gbuni chinchini ni.
Jebobili daa wahiya pam. Ka nayiɣ' maa zaya valisiri o ni do' titali.
Kataali mini o bia ŋun yuli booni Maana daa wum Jebobili wahibu maa.
Ka yiɣisi yina ni bɛ ti nya din che ka o wahiri shɛm maa.
Nayiɣ' ŋɔ daa nya jaŋkunti ŋɔ ni kanina. O mi daa zori la jaŋkunti pam!
Ka o zaŋ doɣu la mini binshɛɣu o ni zu maa bahi tiŋa, ka vaai guui.
Biɛɣu ni daa neei asiba, Naporoo mini o yiŋnim' daa nya neen' shɛŋa nayiɣi maa ni zaŋ bahi maa.
Bɛ daa niŋ suhupiɛlli jaŋkunti ŋɔ mini bahi maa ni be yili maa ni maa.

