Dahinshɛli, Wobigu daa nyala Wobiga ni chana mɔɣu ni. O ni daa nya Sabili, o daa pilila lari.

Ka Sabili bɔhi Wobiga, "Ka bo n-ku a lari?"

Ka Wabigu labisi, "A nyɛla binnamdi bilifu. A ŋubbu kuli yɛn nyɛla alaha ti binkobiri ban pahi."

Sabili suhi daa yiɣisi bahi Wobiga zuɣu pam, ka yɛli o ni mali suhiʒi' shɛm.

Alizama ŋɔ nyaaŋa, ka bɛ zaa ŋmaligi kpa bɛ kpabu shee.

Dahinshɛli yaha, Sabili daa ti garita. Ka nya tihi , bimpuma ni mɔri ni kuli viɛli ʒia.

O daa zaniya n-ʒini kuɣili zuɣ ni o lihi lala viɛlim ŋɔ.

Saha shɛli Sabili ni daa maagi o maŋa zaya lihiri bimpuma ŋɔ viɛlim maa, ka o ŋmaligi o hankali labisi luɣishɛli polo dabam.

Gbuɣinli n-daa sɔɣi be mɔri ni nimaa ni shee.

Jangbariga daa kuli gbulisirila tibili.

Sabili daa nya Kparibua ni ŋubiri mɔri. O daa baŋya ni Gbuɣinli borimi ni o . Gbuɣinli daa kuli gulila saha shɛli o ni yɛn gbaai Kparibua ŋɔ viɛnyɛla.

Gbuɣinli daa kuli norila nyamnyam n-kanna Kparibua sani.

Sabili daa kuli borila o ni yɛn niŋ shɛm n-faai Kparibua nyɛvili m-bahi.

O daa nya yɛmbila.

Gbuɣinli daa kuli miritila Kparibua na, ka Sabili yiɣi gɔhi Gbuɣinli.

O daa dimdila Gbuɣinli nyaanga zuɣu. Biɛrim daa wum Gbuɣinli pam, ka o kuhira ka yiɣijam.

O ni niŋ lala, ka o guui yina o ni di sɔɣi be shɛli la.

Kparibua daa nya Gbuɣinli ni yirina ka baŋ ni Sabili n-faai o nyavili bahi maa.

Gbuɣinli suhi daa yiɣisiya pam. Sabili daa sheena Gbuɣinli nyaanga zuɣu. Ka Gbuɣinli tu Sabili ka yɛli o, "Nyini n-che ka Kparibua faai maa. N ni gbaagi a dahinshɛli.

Wobiga daa bi tooi nya Sabili. Ka bohi Kparibua ni o bi nya Sabili. Kparibua daa yɛli Wobiga binshɛɣu kam din daa niŋ.

Dahinshɛli yaha, Kparibua daa yiya n-chaŋ Sabili sani.

O daa puhiya ka paɣi o pam, ka lo alikawule ni o ni yo o samli dahinshɛli.

Dahinshɛli yaha, Gbuɣinli daa ti gbaai Sabli. Ka Kparibua nya, ka guuna n-ti zaŋ o yila n-gbi Gbuɣinli.

Bɛ niriba ata maa guuya wurim taba. Gbuɣinli daa nyaya ka di tu ni o pa zo n-yi lala yaɣili maa.

Wobiga daa niŋ daanaasani, ka yɛli ni Sabili ni o chɛli o taali m-paŋ o.

Sabili daa yɛliya, "N che a taali. Di lahi yuli ʒɛm n pɔrilim!" Ka Wobiga lo alikawule ni o ni zaŋ Sabili yɛltɔɣili maa n-tum tuma.

Din nyaanga, Kparibua, Sabili ni Wobiga daa laɣim m-be luɣ' yinga, n-yuri taba ka sɔŋdi taba.

Bɛ daa lo alikawule ni bɛ ku lahi woli taba.