Azima lihiri bidibsi ni ŋmɛri bolli. O di bi zaɣisi ka o naan tooi pahi bɛ zuɣu ka bɛ ŋmɛ.

O bohi bolli karimba maa ni o ni tooi pahi bɛ zuɣu ka bɛ ŋmɛ.

Bolli karimba ŋɔ zaŋ o nuu pa o shee zuɣu ka yɛli, "A nya ti shikuru ŋɔ, bidibisi ko ka di saɣiti ni bɛ ŋmɛ bolli."

Bidibsi ŋɔ yɛli o ni o cham ti ŋmɛ laŋ bolli. Bɛ yɛliya ni laŋ bolli n-nyɛ bipuɣinsi dini, ka naba bolli mi nyɛ bidibisi dini.

Azima suhi daa bi paligi.

Biɛɣu ni daa neei, shikuru maa daa mali la bolli maachi ŋmɛbu.

Bolli karimba ŋɔ daa nyɛla ŋun be muɣisiɣu ni dama o bol' ŋmɛri kpeeni biɛrimi ka ku tooi ŋmɛ.

Ka Azima balim bolli karimba, "Dimi suɣulo, chɛ ka n ŋmɛ."

Bolli karimba ŋɔ daa bi lahi mi o ni yɛn niŋ shɛm. Ka saɣiti ni Azima pahimi o bol' ŋmɛriba maa zuɣu.

Bolli maa daa nyɛla din kpɛma.

So daa bi di pɔɣu hali ka bɛ ti zani ni bɛ na vuhi.

Di ni daa niŋ ka bɛ labi kpɛna, ka Azima deei bolli niŋ o napɔŋ ni. Ka vu li guui kpa pool polo.

Azima daa mihigi bolli maa pam n-niŋ laŋ ni ka pɔɣu kum.

Salo maa zaa suhiri daa paligiya pam, ka bɛ yohira.

Lala dabsili maa, ka bɛ daa pa ti bipuɣinsi gba soli ni bɛ ŋmɛri bolli shikuru maa ni.