Bua n-daa nyɛ binkobiri mini ŋmambihi zaa naa.

O daa ti boli laɣingu. Ka bɛ zaa lɣim na ni bɛ ti wum.

Bua daa yɛli ba ni o zahimla zahinli .

Ka bɛ zaa gbulisiri tibili, ni bɛ wum zahinli maa ni nyɛ shɛli.

Zahinli maa daa nyɛmi ni kum n-yɛn lu.

Di saha ka Jankuno bohi, "Wula ka ti yɛn niŋ?"

Noo mini Gbunyaɣu ban yɛli, "chɛliya ka ti zali bindira naa kabɔŋ ŋɔ ni."

Ka Naa Bua yɛli, "lomiya ŋun kam zaɣisi ni o doli zaligu ŋɔ."

Saha daa kana ni bɛ pii na' palo.

Ka bɛ pii Jankuno.

Bua suhu daa bi yu ni Jankuno lee naa.

O suhi daa yiɣisiya, ka o yɛli."Mani n-nyɛ naa."

Bua ŋun daa bi pahi ka bɛ ʒi bindirigu maa.

Dinzuɣu ka nahu bohi, "Wula ka ti yɛn niŋ?"

Binkobiri ŋɔ mini ŋmambihi maa daa laɣim ʒini n-gbaai saawara.

Bɛ suhiri daa yiɣisiya pam m-bahi Bua zuɣu.

Ka baa yɛli, "Saha shɛli o ni daa nyɛ naa, mani n-daa kuli be o sani saha kam."

Ka piɛɣu yɛli, "N daa zaŋ n-gbaŋ viɛlli ti o bihi saha shɛli o ni daa nyɛ naa."

Ka kuruchu yɛli, "O ni daa nyɛ naa, mani n-daa guli o puu."

Ka Piɛɣu bohi, "Bua lee tiɛhimi ni o kuli yɛn nyɛla naa kuli mali wara bee?"

Binkobiri ŋɔ zaa gbaaya ni Bua zaŋmi bindirigu n-ti ti Naa Jankuno.

Binkobiri ŋɔ daa paai Bua ka o domi vuhira.

O daa yɛliya, "N kuli yɛn nyɛla naa saha kam."

Ka binkobiri maa yɛli, "Ti ni lo a ka zaŋ a n-ti ti ti na' palo maa."

Nahu n-daa vo Bua tahi naa sampaa ni. Ka ban kpalim doli yohira.

Bua daa je chandi, ka vooiri o maŋa n-tirisiri labiri nyaanga.

Dinzuɣu ka buhi jɛ chandi, di yi ti niŋ ka so vori ba.