Yuun' krurmbunni ha, binkobiri zaa daa nyɛla ban daa naan tooi tɔɣisi yɛltɔɣa.

Duunga mini o bia daa bela yili yini ni.

Duun' kurili ŋɔ daa yi chɛrila duun' liɛɣu ŋɔ bahi yiŋa ka yira n-ti bori bindirigu na.

Dahin' shɛli, duun' kurili ŋɔ ni daa yi yiŋ naai, ka duun' liɛɣu bɔri ni o yi sambani ni.

Duun' kurili ŋɔ ni daa labina yiŋa, o daa bi nya o bia ŋɔ. O bia maa daa yimi.

Duun' kurili ŋɔ daa nyɛla ŋun suhi saɣim pam domini duun' bila ŋɔ ni yi o ko maa.

Di bi tooi biɛla, ka duun' bila ŋɔ kpɛna.

Duun' liɛɣu daa niŋ suhupiɛlli pam.

"M ma, ninsalanim maa di niŋ suhupiɛlli pam bɛ ni nya ma maa. Bɛ di kuli kpahirila bɛ nuhi saha shɛli n yi ti kuli yiɣi gari."

Dabiɛm daa gbaai duun' kurili ŋɔ ni lala yɛltɔɣili maa.

Ka o bohi o bia ŋɔ, "A yɛliya ni ninsalinim' di niŋla suhupiɛlli ka kpahiri nuu n-tiri a?"

Ka Duun' kurili kpahi o zuɣu ni. "Di di pala bɛ niŋla suhupiɛlli ni bɛ ni nya a maa. Bɛ di bɔrimi ni bɛ miɛri a maa!"

"Ninsalinima je tinim' duunsi."