M bori ni m mini n zo Danaa ŋmɛri bolli pam.

Ti nyɛla zosimnima.

Bɛ yi ti kuli tim ti puuni yino kam shɛli polo, ti yɛn dolila taba n-chaŋ.

Dahin shɛli, ka n yabpaɣa ti tim ma ni n ti da yɛlim mini kpam na atei ni.

Ka m mini Danaa chaŋ.

Soli maa ni, ka ti nya ti zonima ni ŋmɛri bolli.

Ka n yɛli, "Woi! Nyam bɛ ni ŋmɛri bolli!"

Ka m bohi Danaa, "Ti bohimi ba nya bɛ ni che ka ti gba ŋmɛ bee. Man yuri bolli ŋmɛbu pam."

Danaa ŋun yɛli, "Che ka ti chaŋ atei maa ni poi. Ti yi ti labina ka ti naan ŋmɛ."

Ka m mi yɛli o, "Che ka ti ŋmɛ poi! N yabpaɣa ku saɣi ka ti labina nti ŋmɛ."

Dinsaha ka ti pahi ti zonima maa zuɣu ka ti ŋmɛ bolli maa. Mani n-daa lee goliman, n-gu pool ni.

Kuɣ' kara ayi ka ti daa zaŋ sa ti pool maa.

Ka n daa kuli kpaŋ m maŋa n-gu gool maa viɛnyɛla.

Dinzuɣu bɛ daa bi tooi di ti hali po' gaŋ gba.

Ti daa kuli ŋmɛmi hali ka paaki maa ti gbuli tankpaɣu.

Ti ni daa ŋmɛ n-tiɣi, ka ti daa naan chaŋ atei maa ni. Woi! N yabpaɣa laɣiri la barigiya! Ka m pili kuhibu.

Ka Danaa tahi n zuɣu, "Chɛli kumsi. Ma a di ŋmɛrila bolli."

Ka ti kuli yiŋa ka bi gbibi yɛlim mini kpam.

Ti daa kuli daɣimi ka suhisaɣingu lahi mali ti.

Ti ni daa paai yiŋa, M paɣa suhi daa yiɣisiya pam.

Din daa tuui yina o noli ni n-daa nye, "Ka ya ka yi di kuli kpalim m-be ka yuui pam shɛm maa?"

Ti daa yɛli o yɛlimaŋli.

Ka o kpahi ti zuɣu ni n-yɛli, "Miriya ka yi lahi chaŋ n-ti diɛm diɛma ka bi suhi soli."

Ka ti daa chaŋ n-ti bahi gbinyari bindira.

Di nyaanga, ka ti daa chaŋ n-ti su kom ka taɣi ti niɛma.