Ce-Diijani ni Ce-Ngweena vaadiji ajaawo wa pa n'tiima.

Vaang'aandanda yalumo. Vaadyaga pam'pepe. Vaateendaga yiindu yoosope pam'pepe.

Naambo diisiku diine,
Ce-Ngweena kwasimeene kulwaala. Vaasigeele panaandi kuwa.

Ce-Ngweena vaapiite ku
Ce-Nyabesi kun'teela.
Ce-Nyabesi ni vaatiite: — Naga n'kusaka kupola wulweele, n'kaadye nyaama ja Ce-Diijani!

Pa vaapiikeene yeleyi,
Ce-Ngweena vaadisiile.

Naga akusaka kupola wulweele, paangadi sooni yiine kupuunda kwaadya ajaawo, Ce-Diijani.

Ce-Diijani pa vaapiite kukwaalola ajaawo, vaayiice kungoongo kwa Ce-Ngweena.

Ce-Ngweena vaajigeele Ce-Diijani kumaalo ga kusokoka n'nope ga lusulo lula.

Ni vaawuusiisye Ce-Diijaani: — Naga cici cikun'sawuusya mwajaangu?

Ce-Ngweena vaatiite: —
Ce-Nyabesi vala vaasaadiile kuti naga ngusaka kupola wulweele weenu, naan'dye m'mwejo n'jaangu!

Ce-Diijani vaatiite: — Iyayi, n'kandya wune. Naandiipe n'nope! N'jeembeecye panaandi, ciinaavilaanje angaanga vaalume, adi vaakuluungwa kumbuunda wune. Mwaadye vele-wo ni cin'cijikuta.

Ce-Ngweena vaatiite: — Adi kwapi angaanga weenu-wo?

Ce-Diijani vaajaanjile: — Vele-wo adi n'citeela m'maalo gano-gano.

Ce-Ngweena vaatiite: — N'jaawule, n'kaajigaale ni ciinadye vele-wo.

Ce-Diijani vaagulwiice kungoongo kwa Ce-Ngweena ni vaatidiile mwiinani citeela.

Ce-Ngweena vaajeembeeceye ni kweembeeceya naambo
Ce-Diijani nganawuja sooni.

Pele, ni pa vaamadile wujaakwe wa Ce-Diijani ni Ce-Ngweena.