O̩nye̩che̩ jo̩nche̩nya ne̩hi.E̩je̩ji ache̩nyilo̩̩ ku ipo̩le̩ kunu do̩ka  ke le̩ o̩.

Aman O̩nye̩che ta e̩je̩ji uwa.

E̩chi olihi eye, o̩che̩nyilo̩̩ ee likpo ba  nma e̩ga  o̩che̩nyilo̩̩ o̩ha, o labo̩ ba nma e̩ga o̩che̩nyilo̩̩ o̩ha, o le̩̩ o̩kpiye ba nma e̩ga o̩che̩nyilo̩̩ o̩me̩ta.

Anu o̩che̩nyilo̩̩ a kwu odudu  aya o̩kpiye  a kpo kwo̩̩ha. O kwu ikpe̩yi  kunu kwo̩o̩ le ye̩ ta olihi a.

O̩che̩nyilo̩̩ a do̩ka O̩nye̩che  kla cheyitikwu ko lo̩ le̩. Ooma eyi kunu  ho̩ O̩nye̩che o̩tu. O do̩ka  ooyo̩ me̩mla anu.

O̩che̩nyilo̩̩  a wa nma igeli oligbo,O̩nye̩che ke le miya  oonyo̩ me̩mla anu.

Abo̩ no̩ O̩nye̩che mla o̩che̩nyilo̩̩ yo̩ ga abo̩ a,ondu ku ikpo a  miye̩  ikpo kuche. Anu o̩che no le̩ abo̩ a miye̩ kuche.

Amome̩ aa,ondu ku o̩kpiye   kwu miye̩ kuche.

Ikpe̩yi  a ofunu  ne mo̩ta  ge ye̩ nyo̩. O̩nye̩che gbo̩o̩ ooya ufi aman o kwu n.

Onma o̩chinu,gbo̩bu ko̩ ikpe̩yi  ko̩ ga e̩ho̩,o ke̩la lo̩ Ikinabo̩,"O̩danka O̩nye̩che ya ko kwu, gwopo nya ka le dum",ikpe̩yi kaa.

Eko no̩ ikpe̩yi le ye̩ a,O̩nye̩che lo̩ o̩deyinu dudu gwotu. Anu o gbo̩o̩ kwu.

Abo lo̩ maa, Ikinabo̩ le opo gwo,"Ikpe̩yi, ikpe̩yi O̩nye̩che ga kwu",Ikinabo̩ ge gwo.

Ikpe̩yi a nyo̩ ga ta O̩nye̩che anu no ka,"Ini na gbe̩la ka a yo̩ nyo̩ a?


O̩nye̩che kuche ga o̩le̩ ku ikpe̩yi.

Igbihaje̩ a,O̩nye̩che̩ le ye̩ ta e̩ga ogwe̩ba le̩yi
kwu o̩da no ge ya.

Ogwe̩ba nwo̩ e̩la ka, "Nyo̩ lo̩ akla keje la. Lo̩ kpotu
anole ka lo̩ kpotu ipu opo ku Ikinabo̩.

O̩nye̩che ye̩che̩ o̩we̩ no ogwe̩ba kaa. O kwu akla  a kpotu anole lo̩ kpotu ipu opo a.

Onma o̩chinu,o  kwu o̩deyinu dudu kpo  gbo̩o̩ kwu  nyo̩ kpo̩.

Eko no Ikinabo̩  kwu opo ko gwo a ,akla olo̩nye̩  kwu miya tipu okonu kunu.

Ikinabo̩ le, le kla le.

O̩nye̩che le kwu le ye̩.