Awuna man kwase na, Kwaghdoo, ve lu hen kpentar u i yilan er Ayati la.

Awuna lu or u lamen kpishi kpa gema eren tom u ken ityev dedoo.

Hanma iyange a lu ken ityev. Lu a anwya, iti na lu ôriyou, a yar ken ityev vea Awuna keng.

Iyange igenegh sev hungwa av tsô, Awuna yar ken ityev lu zenden pe iyange hura toho shi cuku la.

Awuna iyange kôr abya ken wegh môm, zende cuku tsô zever ahan, "Ha ha ha ha! A ta ave vanger, a kaa er aluer wura nôô shin oo ta kpa wen ngu huran sule na been nyian."

Lu a hura tom a za ica kpishi ga tsô Kwaghdoo va due a kwaghyan ken ityev. Saan kwase la iyol a tom u nom na lu er la.

Tsô Kwaghdoo gba taver Awuna ishima sha amo a wan.

Amo la doo Awuna je gande, gba huran kwagh sha agee agee.

Lu huran kwagh sha utaha, tsendan toho ken yan man imiese cii. Kar pe iyange soo er un a nyôr yô un a mem la kpaa.

Iyange za vôron yô, za teman inya er un a mem. Awuna iyange tema sha hondoabya na. Gema kaa a Kwaghdoo er, "Aa we heen yô, makwagh u yangen mo u been tom ne nyian ngu ga."

A ta hwande a Aôndo kpaa er, "Aluer Aôndo hungwa va iyol Na je kpaa, makwagh a yange un u been tom na nyian ga."

Lu a lam a bee ga tsô anwya na, ôriyou, gba zendan alôm karen.

Awuna mogh sha gagher, gema abya ker alôm. Abya iyange za ta inya hondoabya hembe avuravur.

Alôm ti yem uve. ôriyou hide va tema lu mase ôôn fegh fegh fegh.

Awuna man Kwaghdoo ve tile viing a u lamen shio. Anwya mogh masen jingir tsa ningir.

Imbya kwagh ne nahan, ka an a na nan ibyo?