Ken iuer kpishi, kwavaôndo lu uma je ta akembe, Zungwe Ajabu, lu orakombo u nôôn wura u i fa un cii yô. Iyange za lam a mbaaôndo nav.

Ikpilaior kase ken won hen ya na, a ishimaverenkeghen, ve lu keghen loho u dedoo.

Za dugh ken won yô, a taver ior asema nahan er, Aôndo u A gbe tar la Un a na ve wura a kera ngôô ga cii.

Ve a fatyô u lôôn iyiav vev.

Mbayev yem iniumbe ken won er ve lu keghen wura la.

Iyange ze deôô yô, se nenge a abeen a zegenan a lun pupuu, vegher u ankwasehungwa idyelegh la. M fa je mer, ka abeen a wura.

Ior hii u henen kwagh sha mkaanem ma iyange orakombo u nôôn wura lu ôr la.

Ngô'm ngor sha ikyenge er, "Kenger nen heela! Abeen la gema hingir il hegen. Kar va nyôr nen ken iyou."

Wura gba a mi nôôn.

U nôô, shi u nôô, shi u za hemen u nôôn!

Se tile se lu keghen wura shon er u tôndo! Hiihii la yô, lu saan se iyol.

Kpa wura shon kera gba tôndon ga.

Mngerem lu hanma ijiir jangemaa.

Tsar u peren icile hen tar wase yemen ken won kpa lu kua kera.

Uyaav lu kua ken zegemnger la.

Kwagh u iyange lu inja er ka ivyeren la, gema hingir aakyôr u kpiligh iyol hen a vese.

Hanmaor lu wa iyol sha iyiav mbi lôôn, kpa or kera fatyô lôô kwagh ga. Ior mba hen tar wam lu tôm wura, kpa hegen yô, or kera soo ga. 

Se kera lu a tsar u peren ga. Ior kpishi kera lu a uyaav ga.

Shi zayol ugenegh gema va se inya! Se lu nenge a mbaambe ve lu ôôn ue hanmajiir.

Imbya kwagh ne lu a vande eren ga. Hanmaor hingir tenge-tenge.

Or kera fatyô za kasua ga sha ciu ukenti mbala cii lu ifi yande la.

Mbayev kera fatyô za imiakeranta ga sha ciu imiakeranta la cii lu ifi yande la.

Kwagh u iyange lu inja er ka ivyeren la hingir mtsaha. Zungwe Ajabu, orakombo u nôôn wura kpa kera saan ga.

Or u lu saan nan iyol yô, lu Shater, sha ciu wen lu a ikpyatema anieni! Nahan a tema a numben a i.