Iyange sev hungwa av tsô mbanyam zua u tsuan tor ve.

Inyam i vesen man i kiriki man akaa purugh cii lu heregh.

Unor, mbanyam mba hemban kehen la, ve lu hen mkombo la ga. Kunda mbanyam cii iyol.

Kpa mbanyam za hemen u eren mkohol a unor shio.

Ivyungu kaa nahan er, "Se za hemen se er nen ishangen nyian, aluer unor va heregh ga kpaa. Saa se zua a or nan a lu se tor yô."

Mbanyam za hemen haa ishangen, ve tsua ishondokye er a lu tor ve.

Ishondokye rumun u lun tor u mbanyam, er lu a mciem iyol nahan kpaa.

"Tom ne ka tom u kiriki ga," ishondokye lu hen ken ishima na nahan.

Ibyaver i i tsua ishondokye tor la samber fese yem ica. I za ar a wanyunda u nor.

Ishima vihi un keregh gba usan ahenga yemen shin bar u ishondokye er un a za ta num sha tor.

Tsô wanyunda u nor za nyôr shin bar u ishondokye gba sendan tan sha akaa haan inya.

Ishondokye iyange i tema a tema ga, injortor cinge sha a na gba nyuman un hanmajiir cii. Ishondokye iyange i nyôr un ken soho nyuma un keregh kpishi.

Gande un tsô ngor mlyam, kar ayem.

Wanyunda u nor iyange yevese za ta sha ya na.

Ior nav kumbur un, ve kaa a na er a de kera, ishondokye ndahar kpa ngi a ijoozwa kpishi, kwagh gbe hemban ve ga.

Nahan ve a gba den kwagh u tor la tsô, shie ugenegh tsô ve kpa ve a ya tor.

Er mbanyam mbagenev ungwa ibyaver ne yô, saan ve iyol a ishondokye kpishi.

Mbanyam cii gba wan amo kuhwan shi ember tor ve uhe.