Iyange sev hungwa av tsô, ikyômkwase ugenegh lu.

Lu a wan ga, nahan wan sar un kpishi.

Iyange sev mbu hongo mbu aven yô, kwase la za kula inyatuu ii dedoo yem a mi sha ya na.

Maa gba maan wan u kwase a mi.

Mbakuv mba nengen nahan yô, maa ve za gema wan u iyange maa sha inya la hingir orumace.

Kwase la ii wan la iti er, Anshinda.

Hingir u saan kwase la iyol hen ishiva la.

Kwase la iyange soo Ashinda a ishima na imiôm je.

Ngô u Anshinda iyange ta un icin er, a de dugh ken won yemen iniumbe mayange ga.

Kpa wankwase ti ungwa ga. Hanmashie u ngô na a dugh yô, Anshida kpa a due a yem iniumbe na.

Iyange igenegh sev hungwa av tsô Anshida yem u za numben vea mbayev.

Maa wura za hii u nôôn sha utaha.

Mbayev yevese yem ken uyaav vev wundu un.

Anshinda hiin ayem yô, fatyô u yevese ga, maa gema yer ken toho hen kpegbenda. Maa sogh heregh!

Mbayev mbala yem za ôr mbamaren vev kwagh u iyange za Anshida iyol yô.

Cier ve iyol kpishi je.

Iyange kwase la hidi va ongo kwagh u lu za Anshinda iyol yô, vihi un a vaa ayange imiôngo je.

Ior mba hen kpentar la ker wancoghol ve za na kwase la.

Kpa lu kwagh u iyange lu kwase hange hange la ga.

Ivyande i vesen gema lu van kwase la ken hemen.

Iyange igenegh tugh mbu il yô, kwase la ungwa er or nan kuma un wegh sha hunda nahan.

"Ka di ana la," kwase la hen ken ishima nahan.

Lu Anshinda gema va due hen ya ye.

Vôr kpishi shi lu er doo un iyol ga yô.

Ngô u Anshinda yem a henmakwagh u iyange lu a mi cii za tee, gema inyaregh ki la er wan na twer a mi.

Anshida vese hemba doonashe hen kpentar la cii.