M soo kwagh u iniumbe vea ijende yam, Tersoo, kpeng kpeng je.

Se mba ikyar i ishima-ishima je zua ga.

Zum u ka a tindi mô wase yô, ka se za ityom la imiôngo keng.

Iyange igenegh la, ngô'm uvesen tindi'm ken kenti er mo m za yam un bar man shi mkurem ma nyian.

M yem vea Tersoo.

Se gbe yemen sha gbenda yô, se za ande sha mbayev mbagenev, ve lu gbidyen bol.

M ngor mer, "Kpei! Nenge bol."

Maa gba saren mo u za gbidyen bol je.

M kaa a Tersoo mer, "Se za pine ve ian, ve a rumun er se gbidye bol a ve imiôngo yô. Gadia ka saren mo a pe gbidyen bol je zua ga."

Tersoo kaa a mo er, "Ma se ze pe i tindi se ken kenti la cii ma se hidi ma se va kohol mbayev mban u gbidyen bol la a ve ye."

Kpa m kaa a na mer, "De se gbidye bol ne cii se yem ye, ga yô, aluer se za due sha ya yô. Ngô'm uvesen un a kera rumun er se hide heen ga."

Tsô se za pine ian, i rumun maa se kohol ve ken iniumbe la. lu mo je m kegh shin hunda ye.

Lu awen avesen ahar iyange i penda hingir hunda wase u bologh ye.

Iyange m er tom shin hunda taver.

Or fatyô ya ikyo imiôm tsô kpaa ga.

Iyange se gbidye bol zan zan toho via inya ken fiidi.

Se mba been yô, se kar se yem ken kenti. M kera zua a inyaregh ki ngô'm iyange tindi se a mi la ga; tsô m gber kweregh.

Tersoo kaa er, "Ashen kpa m vende a we."

Tsô se hide se za nyôr sha ya, a mkurem shio, bar kpa ga.

Se gema se ile iyol kpishi, shi ikyav tese er kwagh za se iyol.

Zum u iyange se za nyôr sha ya yô, ngô'm uvesen kpa saan ishigh sha a vese ga.

Ilyam na i hiihii yô, pine se er, "Pepe je, zan zan hegen ka hana ne yem ne za lu?"

Lu kwagh u se er aie cuku ga. Se ôr un sha mimi, kwagh u iyange za hemen yô.

Ngô'm uvesen ta se icin er, "Iyange imiôm de kera yemen nen iniumbe a mfe wam shio ga!"

Mase nan se mtsaha u za haan ikyegh man ikyeghdam kwaghyan.

Iyange se war gbidiv mbula je se de iniumbe i yemen ken myer la kpum kpum!