Iyange sev hungwa av tsô, ikyôror ugenegh lu, gba ikyôr hemba hanmaor hen kpentar la cii. Iti na lu Dugeri.

Dugeri iyange gba ikyôr je mbayev cian un cii, ve a nenge a na yô, ve kar ayem je kpaa.

Dugeri iyange soo akaa er: ikyôryaren, ishukôron man shi tomsule kpishi. Iyange un a za kwagh vea ior kpa a hemba eren a hanmaor cii.

Lu or u soo zende u sha angahar doo un kpishi yô. Iyange a ndyaren zende er ngu yevese yô, shi a zende sha utaha kpaa; iyange un a zenden yô, a waan amo sha zwa zever zever kpentar la cii u ungwa.

Kwagh u gema lu yô, hanmashie cii a vaan ijen, kwaghyan kuman un shawon ga. Ahuraior na man tsombor na cii iyange ve a ya kwaghyan yô ve pande u ve la shi ve seer un a seer; kpa shi i yina un a yina di tsô.

Ashie agenegh je yô, iyange ijen i kôr un i gande a za ii a ii kwaghyan hen tsombor na shin ahuraio na je kpaa!

Hen tar na la yô, iyange ior yaan amine, ishu man inyamtoho tseegh. Kpa er iyange ijen i Dugeri va kar ikyar inya yô, hii u keren akaa a yan a he zenden, gba yan akaa er: atam a ikyon, ikyaiue, amise a ikyon, kua akaa agenegh ngena ngena.

Dugeri iyange ya akaa la va var un yô, ijen kera kôron un kpishi ga, nahan hingir saan saan, taver iyol seer, shi hemba doon sha ashe u kenger kpaa.

Kwaghyan u iyange za fa hii u yan la na yô, lu hemban gban ikyôr shi taver iyol seer sha mi.
Ior mba hen kpen tar la ve zee wuese shi pinen nahan er, "U dooashe u kenger ayange ne kpeng kpeng, man ka an nyi u za zoo a mi u lu yan ayange ne jim ve u hingir nahana?"

Or a pine je a na ikyar nahan er, "Ka atam a ikyon, amise a ikyon man shi ahuaiue m lu yan ayange ne ye."

Er Dugeri a cia iyol heen nahan ior tôv za fa akaa a iyange lu zenden yan la voogh voogh, nahan ve kpa ve gema yan a na imiôngo.

Seer sha amine, ishu man shi inyamtoho i iyange ve vanden yan la yô, hanmaor hingir iyol gburgbur, mbayev kehe doo kenger; shi hemba saan hanmaor iyol kpaa.

Ior mba hen kpentar la zua ave na Dugeri ijiir zegenan er a kaha sule heregh a lôô ikyon sha er ve a yaan atam kua shi akaa a iyange ve za keren a ker ken toho la cii.

Shi ve tôô shie u va wasen Dugeri tom la sha er un a er u a iyol nyoon shio yô.

Ken masejime yô, ve yila Dugeri ve kaa a na er, iyange se lu keren gbenda u yiman we sha kwagh u ijen you la, kpa ka we u gem u za zoo a gbenda u va yem se cii ye!

Sha nahan yô, se cii se zua se rumun ser u hingir TOR wase, sha er u hemen se, er se ker igbinda se seer mzehemen hen tar wase yô.

Ve na ian er a rumun ga tsô, ve ger amo ve gba a mi kuhwan TOR ve je!"