Eko te̩te̩ a ae̩be̩ le̩ ikpon.

Adanchancho je ikpo le̩ ale̩che̩ oofunu.

Adanchancho miya ooje ikpo le̩ e̩be̩ dodu.

Ae̩be̩ do̩ka ikpo obi yawu mla ookwinya.

Olo̩no̩ tuwa oopi aje̩.

Eko neyi a le nya a ae̩be e̩ye̩yi a do̩gwu ga o̩le̩ Adanchancho.

Adanchancho le̩ ikpo kpo le̩ ae̩be̩ mla aigbano̩.

Ae̩be̩ ohi jije, a ohi nma gwonu.

E ka, "Alo̩ i ga do̩gwu o̩ha ge̩n."

O̩kpamalulu we̩ amome̩ no kwo̩gba a.

Adanchancho kwu kpo le̩ O̩kpamalulu dudu aikpo no hile a.

O̩kpamalulu gweye ka, "N ge ye̩ iyawu fiyafiya fiye̩ a ohile a."

Igbihaje̩ ka O̩kpamalulu, e̩gwa wa yo̩ gbo̩ko̩ ka, "Kocho le̩ ikpo oohi kpo gam."

E̩gwa du Adanchancho ka, "N ku iyo̩la gbo gla."

Adanchancho ma ikpo duma je le̩ e̩gwa ge̩n.

Nma ifiyo̩ma, E̩gwa yo̩ ge gbeyi ikpo a e̩e̩.