አንድ ሮድኒ የሚባል ከቤተሰቡ ጋር የሚኖር ልጅ ነበር።
እናቱ ጃሚማ፣ አባቱ ደግሞ ማይክ ይባላሉ።
ሱዚ እና ሎላ የሚባሉ እህቶች አሉት።
ሮድኒ ለቤቱ ታናሽ ልጅ ነዉ።

ሮድኒ ቼዝ መጫወት ይወዳል።
ቼዝ መጫወት በጣም ስለሚወድ፣ ሲጫወት ምንም አያወራም።

አንድ ቀን ሮድኒ ትምህርት ቤት ቼዝ እየተጫወተ እያለ፣ ጨዋታዉ ስለቤተሰብ ሊሆን እንደሚችል አሰበ።

ማይክ ንጉስ ነዉ። ጃሚማ ንግስት ነች፣ ለዚህም ነዉ ስልጣን ያላት።
ሱዚ እና ሎላ ጦረኞች እና ጳጳሳት ናቸው።
ሮድኒ ታናሹ ልጅ ስለሆነ፣ ወታደር ነው።

ሮድኒ ይህንን ካሰበ በኃላ፣ ለቤተሰቡ ለመንገር ወደቤት ሮጠ።

መጀመሪያ ቤተሰቡ ሁሉ ሳቁ፣ ከዛ በኃላ ግን ገባቸዉ።
ሮድኒ የቤተሰቡን ድርሻና ለምን እሱ ወታደር እንደሆነ አስረዳቸዉ።

ሮድኒ እናቱ ንግስት እንደሆነች ፣ አባቱ ደግሞ ንጉስ እንደሆነ ነገራቸዉ።
እህቶቹ ደግሞ ጦረኞች እና ጳጳሳት እንደሆኑ ነገራቸዉ።

ሮድኒ ወታደር የሆነዉ ጀብድ ስለሚወድ ነዉ።
አንዳንድ መስዋዕትነት ቢያስከፍለዉም ፣ የሚፈልገዉን ነገር መሆን ይችላል።