Ŋǝ̂ ma gapisǝmpi Nuura. Abeebi a jɩ ka wàà, Sala.
A sɔlɔ Sala páá. Baa ʊshilé ʊpaŋa na a na cǝr na nɩ. A ta shɩ na yɛɛ a fôl baa gɩjibɔŋɔ gɩpaŋa jɩ, aɖe na nɩ na.
Ʊshilé ɖǝn na Nuura a yɛɛ Sala afar. A yɛɛ yɛɛ bʊɖu bʊŋunii, ama k'a ŋǝ nɩ gaɖu gaɖǝn na. N'ɩ ɖa nɩ kashɩkashɩ.
Ama Nuura k'a yɔ wàà, anar a tɔɔ ka Sala afʊga na, a jel nɩ aka na yɛɛ wàà, a kʊ̂.
Na Nuura a kara gako na yu wàà : « Kǝ ma kɔɔ ŋǝ Sala na. » N'anar a lǝ nɩ wàà : « Pàá pɩ̂yɛ ʊcine na. »
Kagɩteŋshile gɩɖe jɩ Nuura anar a kɔɔ na Sala ashee nɩ. Aɖe cǝm gɩshɛbʊ ɖaa ba shɩ nɩ na gɩfɔlɩ ma.
Nuura 'ʊcine ʊ kǝr páá. N'a ɖa na jimǝjimǝ na gaɖu na rɩ gʊcǝma na sheu...
... naa ace atɩ sala anar.
Ce livre a été traduit et publié par l'équipe anii à Bassila. Pour plus d'informations sur le projet anii et d'autres publications en langue anii, contactez-nous :
www.revue-gugu.org
+229 66 66 11 11
Téléphone et WhatsApp
L'équipe anii salue l'équipe de AfricanStoryBook et les remercie pour leur générosité et pour la licence de CC BY.
Adaptation - Fousséni DJOBO ALLEY
Illustration - Melany Pietersen
Language - Anii
Level - First paragraphs
Creative Commons: Attribution 4.0
Source www.africanstorybook.org
Original source
