Nita ulanzyide mutwe ansi. Masusu aakwe malamfwu agumide ansi.

Zyisamu, bwizu azyoonse zyintu zyilanzyide ansi.

Maulu aakwe alalengelela mujulu. Nkiinga Navi kaleendeenda.

Kakabuzya kakati, "Ndakalikubwene alimwi okuno. Ulanzyide ansi alimwi! Ino nkaambo nzi?"

Maulu aakwe alazuumbana muluwo. Usola kuyuba kunze kwamasusu aakwe.

"Nciyumu-yumu kwaambaulisya," Nita wakavwiila. Tandicili ndime pe. Cilandaalila kwaambaula."

Mpoona Navi wakamujatilila janza. Uyanda kumugwasya kuti amvwe. Bakatanta atala awo Navi mpakonzya kubona kabotu.

Bakabona zyintu zyinji. Cakaumuumu bakabona bana kabasobana awa akokuya.

.

Bana abaya tabakozyanyi pe.

Abbe ulibulungene.

Chi ulaa mankwinya.

Lala mulamfwu kapati cawindilila.

Bambamu takkalikene alimwi uyanda kulikwaya.

Lulu ulabala cakaumuumu.

Langa masusu okwa Fuleya mbwaanyongene.

Sido walo usama magilazi ciindi coonse.

Mebo ndilikokede. Ayebo nduwe. Toloolikke pe. Aumwi muntu kuli mbwabede, wabona kayi. Eeci cikupa kuti koli mbubwena mbuli ndime.

Eeyi nyika ncisobano comwe cipati kapati. Toonse tatukonzyi kucisobana pe.

Nita walimvwa buluzi akaambo kamweenzyinyina mupya ngwaajana. Kusulama tacili cintu cinonenzya pe.

Ono ulasobana abeenzyinyina boonse.