Cikwekwe nasulama. Umushishi wakwe uutali uleekumya panshi.

Ifimuti, icaani ne fintu fyonse fili fyasulama.

Amakasa yakwe yasuleme mu muulu, ka Cikwekwe kaleenda mupeepi.

Elyo ati, "Nalikumonapo pano. Na usulama nakabili! Mulandunshi ucitila ifyo?"

Amakasa yakwe yalepwiluka mu muulu. Aesha ukufisama ku numa ya mushishi wakwe.

"Ha ha calyafya," efyo amweba. "Ine tefyo naba. Nshipalileko."

Mwape amwikata mu maboko. Alefwaya ukumwafwa ukuti omfwikishe.

Baniina pamuulu apo atemwa ukwikala. Pa muulu epo bengamona ifingi.

Ukuti bamone abaana ifyo baleyangala.

Balya baana tabaaba cimo cine.

Mulenga alibulungana.

Chi alikwata amatoni kumenso.

Lala muutali saana ukucila abanankwe.

Bamubamu aalitemwa ukwangala elyo kabili tasakamana icili conse.

Lulu ena atemwa ukubelenga mumutalalila.

Monoomushishi wakwa Frezy ifyo ufulungene.

Elyo Sid ena alaafwala amakalashi konse uko aleeya.

Naine, nabafye inkanda naamafupa. Iwe niwe. Tawaba weka. Umuntu onse aaliibeela. Tuli bamo beene.

Icaalo ecibansa umo bonse twangalila. Pakwangala teeti tube cimocine.

Awe Cikwekwe aumfwa bwino pamulandu wafyo umunankwe asangile amweba.

Ukusulama kwena takumusekesha nomba alangala na bambi.