Kale saana, Akasuba, Umweshi, Imfula elyo Noomwela fyaleelwa.

Ubwafya bwali bwakuti, Akasuba kaleefwaya ukulasanika kasuba konse. Umweshi waleefwaya ukupeela ulubuto inshiku shoonse.

Imfula yaleefwaya ukulaloka cila bushiku, elyo Umwela waleefwaya ukupuupa cila bushiku.

Tafyaleefwaya ukupelana inshita.

Eico, fyapingwile ukwikala pamo nokulanshanya. Kasuba aipwishe Mweshi, "Finshi ucita ukwafwalisha isonde?"

Mweshi ayaswike ati, "Ine mpeela ulubuto inshita ya bushiku pakuti inama shileelunga."

Mweshi aipwishe Mfula ati, "Bushe finshi ucita ukwafwilisha isonde?"

Mfula ayaswike ati, "Mpeela isonde ameenshi pakuti imiti na ifimeenwa fileekula bwino."

Imfula yaipwishe Mwela, "Finshi ucita ukwafwilisha isonde?"

Mwela alyaswike ati, "Ndapyanga pa isonde ukuti libe ubusaka. Ndasalanganya imfula incende yonse."

Mwela aipwishe Kasuba ati, "Finshi ucita ukwafwilisha isonde?"

Kasuba alyaswike ati, "Mpela ulubuuto neecikabilila
pakuti inama na ifilimwa fyakwata ubumi."

Kasuba, Mweshi, Imfula na Umwela mfyaleekutika kufyo filelanda.

Elyo Kasuba atile, "Cishinka ukuti cila umo alafwaya isonde munshila iyaibela."

"Ee. Tapali nelyo umo ucilile umunankwe," efyayaswike Mweshi.

"Kuti twabombela pamo," efyalandile Imfula. Mwela atile, "Kanshi natwakane inshiku."

Bonse basuminishanya.

Emulandu mu mwena inshita shimo umweshi ilyo kuli akasuba. Inshita shimo kulaba ukumfwa icimwela ukupuupa ilyo kuli mfula.

Kasuba, Mweshi, Imfula na Umwela filabombela pamo bwino- bwino. Filomfwana bwino saana.

Bushe walitemwa kasuba, mweshi, mfula nangu mwela?

Lenga ico watemwisha pali ifi.

Tulakabila isonde pakuti tube aboomi. Isonde lilatupela ifyakulya noomwakwikala elyo neefinama kabili neefimenwa. Fyoonse filatwafwilisha munshila shalekana-lekana.

Naifwe kuti twacitapo fimo ifingafwilisha isonde. Finshi wingacita ukwafwilishako isonde?

Lemba ifyo wingacita ukwafwilisha isonde.