Kale saana, pa faamu ilinoono ilyali mupepi na umushi unoono.

Paikele akakoko akanoono akaleitwa Daisi.

"Nganakula, nkawaya nkalepupuke mpaka nkafike mu muulu," efyalandile Daisi.

Lelo inkoko shonse shalikasekele.

Ashiti, "Walifulungana we kakoko iwe. Ifwe tatwakuayangala maiwe."

"Daisi, bonse kuti twapupusha amapindo, lelo cintu icayafya ukupupuka," efyo banyina balandle.

Daisi ena, taaleekele nakalya. Aaleesha ukupupuka inshiku shonse.

Aaleepupusha amapindo, pupu, pupu, pupu, lelo ukutila eeme afume pamushili, aalifililwe.

Kaaleelenganya ifyo kengamoneka mulwelele ilyo kalepupuka. Ninshi kaleelolesha inkoko shibiye panshi neefyo keengalapita utuuni utwapusana pusana mu muulu.

Ifyuuni kuti fileeti, "Uuhu! Inkoko iipupuka."

Pupu, pupu, pupu, kaleesha ukupupusha amapindo icila bushiku.

Kalesha ukwimina mu mulu lelo kaleefilwa na ukuupona panshi.

"Nshakatale mpupukapo. Ikanshi inkoko shinandi shilanda ifiishinka," Daisi aliliile kuli banyina.

"Dalisi, ala walipusana ne nkoko shimbi. Tashifwaya ukupupuka lelo iwe ulafwaya! Kuti wapupuka," efyalandile banyina.

Ubushiku bwakonkelepo, Daisi aaninine pamuulu wa citele nookwesha ukupupuka. Aapupwishe amapindo, pupu!

Aapupukile mulwelele, aya aalepupusha amapindo, mpaka...

POOO!

Inkoko shibiye shalisekele saana, "Ha ha ha! Twalikwebele! Inkoko teeti shipupuke!"

Kabili ubushiku bumbi, Daisi teewakuleka iyoo. Aaninine pamuulu saana ukucila, pamutenge wakayanda kankoko.

Pupu, pupu, Daisi aapupwishe amapindo.

Aapupukiile mumwela nookupupusha amapindo, elyo aapupusha amapindo, nookupupusha amapindo elyo...

Akonkenyepo ukupupuka! Umwela mwisamba lya mapindo walikulileko na ukupupuka mu muulu umutali!

Ifyuni fimbi fyalipapile, "Cisungusho! Inkoko ipuupuka!"

Inkoko shimbi shalefwaya ukuti shikalepupuka nga Daisi.

Shatile, "Iyee, kwena Daisi uli wafisungusho!"