Kale saana kwali umukashaana uweshina Kalabushe. Uyu mukaashana aalelandisha saana.

Nelyo banyina bamuleseshe ukulandisha Kalabushe taumfwilile.

Banyina-mwaice bakwa Kalabushe baleeikala ishilya lya mu mushi.

Ubushiku bumo balilwele. Tabakwete abakubasunga.

Ubu bushiku banyina Kalabushe balikwete imilimo ingi iyakucita.

Caali icungulo ilyo banyina bamupeele ifyakulya ukutwalila banyina-mwaice abalelwala.

Munshila, Kalubushe akumenye Samusoni.

Samusoni aali cimbwi uwasangukile mu muntu.

Samusoni alipwishe Kalubushe ifyo asendele, "Finshi usendele?"

Kalabushe aatile, "Ninsenda inama, amani na umukaka."

Lelo banyina balimusokele ukukana landa ifyo asendele.

Kabili Kalabushe atile, "Ndetwala ifyakulya kuli bamayo mwaice abalelwala."

Samusoni apishishe ululimi pakanwa ilyo aumfwile ilyashi lya pa nama Kalabushe asendele.

Samusoni bwangu-bwangu aabutukile ku ng'anda ya banyina-mwaice bakwa Kalabushe.

Aminine banyina-mwaice bakwa Kalabushe.

Aifimba na ubulangeti bwabo.

Ilyo Kalabushe aafikile, mu ng'anda mwalitondolo.

Aingile na ukubeeta, "Maayo, muli kwi?"

Kalabushe taumfwile ishiwi lya banyina-mwaice. Aingile ku muputule basendeme.

Alipapile ukusanga icintu naciifimba ubulangeti.

Kalabushe alipwishe nakabili, "Maayo, ninshi amatwi yenu yaleemonekela ayakulu ileelo?"

Samusoni alyaswike umo asendeme,"Epakuti ndekumfwilisha bwino."

Kalabushe alipwishe nakabili, "Mayo, ninshi ameenso yenu yalemoneka ayakulu?"

Samausoni atile, "Epakuti ndekumona bwino."

Napakulekelesha Kalabushe alipwishe banyina, "Ninshi akanwa keenu kalemonekela akakulu?"

Samusoni atile, "Epakuti nkulye bwino!"

Alitolweke ukufuma apo alele na ukwisa mina Kalabushe.

Kalabushe alikonkenyepofye ukulanda nelyo aali munda ya kwa Samusoni.

Alipwishe ameepusho ayengi.

Napakulekelesha, Samusoni alinaka ku meepusho ina ukufwaya ukumuluka.

Kalabushe na banyina-mwaice baliishile bapususha ku beekala-mushi.

Ukufuma apo pene Kalabushe talelanda landa saana ku bantu ashishibe.