Mbukaaniinga! Kale-kale, Zuba, Mwezi, Mvwula Amuwo zyakali kulwana.

Penzi lyakali lyakuti Zuba lyakali kuyanda kubala buzuba boonse. Mwezi wakali kuyanda kumweka buzuba boonse.

Ayalo Mvwula yakali kuyanda kuloka buzuba boonse, awalo Muwo wakali kuyanda kubbubbula buzuba boonse.

Tiibakali kuyanda kupana ciindi.

Bakazuminana kukkala muswaangano kuti babandisyanye. Zuba lyakabuzya Mwezi lyakati, "Ino ncinzi ncocita cigwasyilizya nyika?"

Mwezi wakavwiila wakati, "Ndilamweka masiku oonse kutegwa banyana kabaweza kabotu."

Mpoona Mwezi wakabuzya Mvwula, "Ino yebo ncinzi ncocita kugwaayilizya nyika?"

Mvwula yakavwiila yakati, "Ndilapa meenda kuzyisamu azyisyango kuti kazyikomena kabotu. Ndilapa meenda akunywa kubanyama."

Ayalo Mvwula yakabuzya Muwo, "Ino ucitaa nzi kugwasyilizya nyika?"

Wuwo wakavwiila wakati, "Ndilakukula akusalazya nyika. Ndilamwaya mvwula nyika yoonse."

Mpoona Muwo wakabuzya Zuba, "Ino ncinzi ncocita kugwasyilizya nyika?"

Zuba lyakavwiila lyakati, "Ndipa mumuni kunyika kutegwa zyisyango kazyipona."

Zuba, Mwezi, Mvwula Amuwo zyakaswiililana kabotu-kabotu.

Mpoona Zuba lyakaamba lyakati, "Ncobeni umwi aumwi wesu kuli mbwagwasyilizya nyika." Mwezi wakaamba wakati, "Kunyina muli cesu wiinda mweenzyinyina. Inga twabelekela antoomwe."

Mvwula yakayungizya yakati "Inzya." Mpoona Muwo wakati, "Nkokuti atwaabane mazuba." Boonse bakazuminana.

Nkikaambo kaako ncomubona kuti mazuba amwi mulabona mwezi azuba kazyimweka antoomwe.

Alimwi muzyimwi zyiindi mulamvwa muwo kaubbubbula amvwula kailoka.

Zuba, Mwezi, Mvwula Amuwo zyilabeleka kabotu antoomwe zyilamvwana.

Sena uyanda Zuba, Mwezi, Mvwula antela Muwo?

Enga cifwanikiso cacintu ncoyandisya akati kazyintu eezyi.

Tuliiyanda nyika kuti tupone kabotu. Ilatupa cakulya aciteente, banyama azisyango. Zyoonse zilatugwasya munzila imwi. Mukusandula, inga twacita cimwi cintu kugwasya nyika yesu. Ulacita nzi kugwasya nyika yesu? Kolemba ncokonzya kucita.