Inja, Imbuti neNkhomo
Fabian Wakholi
Marleen Visser
Siswati

Inja, imbuti nenkhomo bebabangani labakhulu.

Ngalelinye lilanga batsatsa luhambo ngetekisi.

1

Nasebafike ekugcineni kweluhambo lwabo, umshayeli wacela kutsi bakhokhe imali yekugibela.

Inkhomo yakhokha imali yayo.

2

Inja yakhokha imali leningi kakhulu, ngobe ingenayo imali lentjintjekile.

3

Ngesikhatsi umshayeli asalungiselela kunika inja intjintji yayo, imbuti yabaleka ngelitubane, ngaphandle kwekukhokha imali yayo!

4

Umshayeli wacasuka wadvuba, wahamba ngaphandle kwekunika inja intjintji yayo.

5

Yingako nalomuhla inja igijima phambili kwemoto, icalata ngekhatsi kute itfole lomshayeli lowahamba nentjintji yayo.

6

Imbuti yona iyabaleka nangabe iva umsindvo wemoto.

Yesaba kutsi itawuboshwa ngobe ayizange ikhokhe imali yekugibela ngalesikhatsi ihambe nebangani bayo.

7

Inkhomo yona ayinandzaba nangabe kuchamuka imoto.

Inkhomo itsatsa sikhatsi sayo kuwela umgwaco ngobe yati kutsi yayikhokha yonkhe imali lebekufanele iyikhokhe.

8
You are free to download, copy, translate or adapt this story and use the illustrations as long as you attribute in the following way:
Inja, Imbuti neNkhomo
Author - Fabian Wakholi
Adaptation - Ntando Mthenjane
Illustration - Marleen Visser
Language - Siswati
Level - First paragraphs
© African Storybook Initiative 2016
Creative Commons: Attribution 4.0
Source www.africanstorybook.org
Original source