Anamoni ana anyaritae Miwa, ayei akadokot na eyalolong'ene. Nacha euriya ng'esi totoan itaok.

Apipilu akitu ang'itak keng etoporoporoe ng'esi. Aporonokini ng'esi ng'aten ang'ikito kikalou tama, "kwi! Kwi! Kwi!"

Eyalolong'eene akadokot bon jiik. Eyalolong'eene ng'esi noi nacha ing'olikinia ng'akadokoi nache edakito ng'itak kech.

Epunaana akadokot nakeyalolong'on anaten. Epunaana ng'esi anateni todol nache! Tolunyaros ng'irwa lukaalak igoro akadokot lokojokon.

Touri nabo akadokot. Totiaku ng'esi ayaar ikadokot lorot a ng'itung'a sodi topiasi ng'itung'a niajokon.

Totiyauni akadokot kwap ekitoe dio kiwaak ikadokot lorot. Apak ng'ina, abong'i ekerikan nawi. Taanyung'a ng'esi ikadokot eperi alokwaas a erot.

Tadaka ekerikan ng'olo ikadokot nawi keng. Na anang'ia nawi, apotu ng'ide keng lusapa luuni kisiakis abolia ka ikadokot. Aporoporote kechi nabo etanete ikadokot.

Toeokis ng'isapa luuni ng'ulu: Tachaka kidiama! Tachaka kwap! Tachakakinae ayong! Tachakak ng'esi! Apotu kechi tachakanakinos ikadokot.

Anieboliate ng'ide ka ikadokot, ayei akadokot adukit alokidiama ekitoe. Abulit ng'esi abala kori dikino itaok keng etoani kwa luche.

Napei kona, bu aberu a ekerikan king'olik ng'ide eboliasi ka ikadokot. Tolimu agogong'u tama, "Tochoikisi! Yautu nege. Ikumakinete eesi!"

Todaku ng'esi itaok akadokot ang'akan keng, dio topia ng'esi.

Na ewakinia aberu a ekerikan ikadokot kwap, topeu akadokot elakara. Totunak itaok natorobu dio todokaria lokitoe.