A-Manuwele akuyinonyela n'nope yitela. Vele akulemba yakuti acila mundu kuveceta pakujaga yitela.   Cemwadimu atite, "Yitela yidi yambone n'nope. Yitela yikupepela mbungo kuti uwe tupumuleje cenene."   Wudimi akuti, "Naga malo gane kuva gangadi yitela, ngakomboleka kunya wula, pose-pe pakuva pejumu. Naga pose padi pejumu, yikunasawusyaga pakupata yakudya ni vandu akulagaga sala."

  Anganga akutiji, "Citela cikutupa mbudidi, cikutupa yisogosi ni ntela wakwe. Ni matabwa ga yitela, tukutendelaga majumba getu."   Mama akuti, "Yitela yikudimbanganya ditaka mundavi ja jikupagwa wula ni cikumba cakwe. Yitela yikuciga mbungo m'majumba mwetu ni m'migunda mwetu."

  A-Manuwele akuyinonyela n'nope yitela. Vele ayimanyi kuti citela cimo ni jidi nyumba ja yinyama yejinji.   Disiku dimo cemwadimu vavendile kuti, "Anyamata na asikana, lelo cinjambule citela cimo. Pawujo pakwe, cin'nembe pakuti-ci citela cidi cambone n'nope."

  A-Manuwele adi vakucina na ajambule citela cesalale. Nombe alembile ya vatite cemwadimu, anganga, mama, wudimi ni ya vayimanyi asyene.   A-Manuwele nganadivadila ata panandi. Vele akuyinonyela n'nope yitela.

  Disiku dimo, a-Manuwele vaaweni a-Joao Sadimo adi nkukata citela cimo. A-Manuwele vawutucile kuja kwasaadila mama vawo.   Mama vawo vala ni vaasaadicisye a- Manuwele kuti, "Valakwe-wo atite kuti kutawuni gakusacikwa masalo, sasu ni makala. Vandu cakapocele mbiya pakusumisya yele yicindu-yo."

  A-Manuwele adi vakudandawula ni kuti, "Pele tukuwujumusya ntaka. Wusiku wumo wakwe tucitama ngadi yakudya."   A-Manuwele akwete nganisyo sine. Vele cakavecete ni cemwadimu.   A-Manuwele akuti, "Cemwadimu, vele vanya wose-pe akukata yitela yila. Yikusosekwa tutende nsongano ni vanya baba ni vanya mama kuti kwasaadila yakuti yitela yidi yambone n'nope."

  Cemwadimu akwiticisya kuti, "Yidi yambone kwasaadila vandu."   Pamasomo, cemwadimu vatite kuti a- Manuwele civaalosye vanya baba ni vanya mama masengo gatesile ga yitela. Sooni na akuvenda kwa vakusooma kuti atende cilocesyo ca kulosya pansongano.   Padisiku dya nsongano, a- Manuwele vaasaadicisye yose cenene mpaka vanya baba ni vanya mama vadiji nkukwatila n'nyala.

  Kumbesi kwa nsongano, anyamata na asikana va masomo ga a-Manuwele vadiji nkusooma cilocesyo cila.   Cilocesyo cila catite n'nyi, "Yitela yidi acinjetu. Naga ngadi yitela, uwe ngakomboleka kulama."   Wose vanya baba ni vanya mama vapikanile yose kwa n'nope. Pele vele vanya akunuya yanti, "Kwende tupande yitela papadi pose!"

  Anyamata na asikana va masomo ga a-Manuwele akuvenda kwa cemwadimu kuti, "Uwe tukusaka kupanda yitela. Ngatukusaka kulama petaka pejumu."   Cemwadimu akwiticisya kuti, "Kwende tusevese ni vanya baba ni vanya mama. Kwende wose-pe tupande yitela!"