Ema akwimuka, "Lelo ngwawula kucikola."   "Cikola kudi kung'anda ni yitusi-tusi?"   "Cikola cidi cakutendela festa?"

  Ema akudya mpunga.   Vele akuva tayadi pakuvilanga maye kuti, "Ema, kwende kucikola."   Vele akujigala nsacola citusi-tusi, cakulembela ni cibuku ca kulemba.

  Ema akwinjila ncumba mwawo.   Amwadimu akuti, "Ntame apa, Ema."   Amwadimu akulosya malo ga cila n'nyamata ni cila nsikana ga catame.

  Ema akulola pacumba cose ni akuganisya, "Yitusi-tusi yisisikwe kwapi?"   "Tung'andeje wudi?  Digongo-ci tuveje citamile?"

    Amwadimu akulemba muwubawu. Vele akuti,   "Nembile dilove Olá.  Kwende wose tujile Olá vane pakuja kwa vane."   "Kwende tupelegane makono kwa acinjetu."   Yadi ya kung'anda n'nope!

  Amwadimu akuti, "Sano wose cin'nembe dilove Olá ncibuku ca kulemba cenu."   Ema akuganisya, "Yakusawusya. Wune jwangakombola kulemba."  Ema akutanda kudila.

    Amwadimu akwaalola a-Ema adi nkudila. Sano vele akulemba ncibuku ca kulemba mwa Ema. "Dyele ni dina dyenu, Ema. Nkusaka kulemba dina dyenu?"   Ema akuti, "Ye."   "Nkamule cakulembela ni n'nembe Ema. Pawujo ni n'nembe Olá."

  Ema akuva nkusengwa. Vele akukombola kulemba Olá Ema.   Pakwawula kusekeleyu, Ema akujigala citusi-tusi cawo.   Amelya akuti, "Nkwete citusi-tusi cesalale. Nkuvilanjikwa aceni?"

  Ema akuseka. Vele akukamula lupici ni akuti, "Cinosye!"   Ema akulemba dina dyawo pasi.