Kuren fero laa Faji-a yanju-a bawanju-a gǝre bǝlayen kasәrga.

Yim laa, Fajia yanju barambo ingi madaro kinodo.

Kәla jawalnjuyen, sawaanjua kattadәra. Curo dәryero kәska dioro lejai. Faji tandia garo maji.

"Marnowo, cidiya kәska kuwayedәn gurensunowo!" yeno, "ya ingi madaro sunodәna."

Amma sawaanju tia guredu wayera.

"Lenowo, curo dәrredәn nanjaakki!" yeno Fajiye. Ngәrәmbaro yanjuro ingi maje kikkiado.

Koro curo dәrrero leje sawaanjua nayeyen.

Jawal ingi lajәnayedәa giga. Nasha ingi bogadәn, jawal sanana kada na naro lejai. "Ndarayen leyera?" ferodә yeno.

Jawal kuradәa jәgane, leji, leji nga sawaanjudәa najәgәnni.

Jauro cәmbarena nangaro cidiya kәska laayen tusturo napkenniya, kәnәm tia ngoyen.

Faji kәnәmmin fayenniya, dunia nga cәlәmjәna. Bulduwa tia dirijane kәljana.

Jauro rijәnadәro burwu cakkiwawo. Ngәrәmji yenniya, bulduwa kәnaa tia dirijana.

"Bare yinettәmmi," yeno kowo ajappa buldu kurayedә. "Ngәrәmmǝmiya, nia njәgǝriye!"

"Marno, kolsәnowo fanniro lenәkke!" Faji bulduwadәa lawoyeno.

Fajia koldu wajane, curo dәrren fanjaro casado.

Nadә silla kada capkada ciyiya ye kuyajai. Faji boje, simnju jakken.

Curo buneyen, ferodә bulduwa jandejai fangeno: "Awi gai kannudә?" cәne buldu fal kiworo. "Ingidә culori wa?" "Awi yaye ngәlagәna cәne," tiro kalakkeyera.

"Kudǝkki wa?" "Naam, naam," yera bulduwa gadeye. "Kәna faniye!" Bulduwadә Fajia ngimmin tuluworo sawwaradana.

Amma buldu kuradә tayiro mana kiddo, "Danowo. Bare wada bәlaye ngәssuwi. Buldu fima runju kәmbo juwuiwawo. Yallande ngaa masәna dioro bowoniye."

"Kәsaiyani bowonәkki," yeno kamunjuye. "Bawarawangәnani makki," yeno buldu ganaye. "Yaniganaa madaro lenәkki," yeno buldu gadeye. "Na adәn kәmbonia nammәkki," yeno buldu kuraye.

Buldu kura ci ngimben napkenniya, amanju gadedә targada. Gurero kimbarenniya, fuwu kannu wupciyen buldu kura tәngai badiyen.

Jim kidәnniya, sәngori ngәskeno. Faji sa cәdәna! Ayayin lassiye culuwo? Buldudә jauro kura ci ngimbe ngaa jakkәna.

Dawori tilo ndok rakce cәdi. Ferodә ngәlaro sәtte, cau bulduye ton leje dayenniya, sinju kamdi gairo ngәrәmbaro kiluwo.

Bulduwa gadedә waldane kadiranniya, awo wakkajәnadәa kerunniya, gәrgajane, burwu casakkiaro ferodәa kaduyera.

Bawo ferodә kuruwujәna.

Ferodә bәlanjaro kadinniya, kam laa tia asuje burwu njakko badiyen, "Faji isәna, Faji isәna," yeno.

Yanju-a bawanju-a tia ngәrәmbaro kapkeyera. Alaro godeyera feronja kәlewan isәna. "Faji, Faji andi numbaro tәmagaiye!"

Tǝn yimdǝn Faji-a yalla gadea gadero karaarowaldanni.