Wandiyo fo kaŋ se i ga ne Hadiza nda nga hayrayey go ga baafunay Karma kwaara jare ga.

Han fo, Hadiza ɲa na a donton hari guruyaŋ dayo ga.

Fonda boŋ, a kubay nda nga corey. I go ga koy saajo ra tuuri kuuyaŋ.

Hadiza ga ba nga ma I gana, a ne: "Wa suuru ga ay batu Balla tuuri-ɲaŋo cire hala ay ga konda ay ɲa se hari ga ka."

A corey wangu ga kay se.

A ne i se to i ma koy, nga ga i to saajo ra. A zuru ga koy dayo ga, ga haro guru ga konda ɲaŋo se.

Nga ga zuru ga corey hamnay.

A koy ga gana fondayze fo kaŋ ka ga bu bangu fo ga. Bangu kambu fa ga, fondayze boobo fo go no, kaŋ yaŋ ga gana jarjara kulu.

A ne: "To man ga haray no i gana?"

A di fonda kaŋ beeri nda i kulu, a dira kala a farga, a mana di nga caley.

Kaŋ a farga nda dirawo, a goro tuuri-ɲa fo cire ga fulanzam, jirbi na a sambu.

Alwaato kaŋ Hadiza moyey koy ga hay, a di kubay koonu. Kuba ra, a go ga di moyze fo yaŋ kaŋ ga say bazaw.

Wiiza kooro yaŋ no na a daŋ bindi. A humburu kala a si bay hari kaŋ ra nga go. A ceeci ga zuru, koorey na a daŋ bindi zama i ma haray.

Koora kaŋ zeenu nda i kulu ne a se: "Ma si miiri no-din, da ni zuru, iri ga ni ŋwa!"

Hadiza na i ŋwaaray ga ne: "Wa suuru ga naŋ ay ma koy fu."

Koorey wangu, i na a sambu ga konda ngey kwaara saaji fimbo ra. Bukka zeeno fo no, kaŋ ga to nda biri, hamni bi go batama kulu.

A kani ga te danga nga go ga jirbi no.

Kuba ra, a go ga ma koorey go ga salaŋ nda care. Afo ne: "Mate cine no danjo go?" a ye ga ne: "Haro go ga zarga?"

Afo tu ga ne: "Soolaa kulu ban; ay ma kanda no?" koorey saba ga ne "kanda, kanda, i haray gumo."

I ga ba ga Mulongo ka bukka ra.

Kooro beero ne: "He yaŋ, wa hangan. Wa si dirɲan iri kwaaraa naamo. Kooro kulu si ŋwa nga hinne. Wa naŋ iri ma iri caley kulu burɲe."

Wando ne: "Ay ga ay anzurey ce." Kooro kaynaa mo ne: "Ay ga koy ga ay baasey ce."

Afo mo ne: "Ay ga koy ga ay kayney nda ay waymey." Kooro beero ne: "Ay wo, ay ga kay ga iri ŋwaaro batu."

Kooro beero goro fu-mayo ga, cindo mo zuru ga furo saajo ra ga koy ga caley ce. I gay hala i ga ka, dusungu sintin ga kooro beero di danjo gande. A jirbi hala a sintin ga korro.

Hadiza saaya do no-ya. Amma mate no a ga te ga bisa koora ga? Koora beera se, a na fu-mayo kulu wi.

Dabari folloŋ no a se. A ye banda ga koora sar, ga koy kaŋ ya-haray.

A haamay ga zuru.

Waati kaŋ koorey kulu koy ga ka, i di wo kaŋ te, i kaŋ a ce-bande ra nda ngey londi-buunay.

Amma a na i yana.

Waati kaŋ a to ngey kwaaraa ra, kwaarayze fo na a bay, a kuuwa ga ne: "Hadiza ye ga ka."

Ɲaŋo nda baabo zuru ga ka a do. I na a ku ga ganday, ga Irkoy saabu kaŋ na ngey izo faaba. I ne: "Mulongo, iri miila ni bu no."

Za zaro din, Hadiza nda zanka jarey mana ye ga ye koine saajo ra ngey hinne.