Ndegooɗom, waɗiinoo suka debbo pamaro mbi'eteeɗo Amina. Gaɗa maayde abbiiko, Amina tan wonndi e inniiɗum. Nyannde gooɗom, inna on wi'i Amina kamɓen eggan njooɗowo nder wuro wonnduɓe maɓɓe.

Amina inniiko huli accude mo kanko tan, ngam guuturuwo ladde ɗuuɗuko, mawko sanne, tawaako nder gayɗe, ɗe wuro ngon anndiraa. Amina wulli faa naawi, ammaa ɗum haɗaay, inniiko eggude, naako nii, o acci mo ɗon kanko tan.

Inna Amina wi'i no waddanan mo neema nyannde fuu. "Mi yiman jimol gooɗom, a faaman ko min non. Suka am, ta maɓɓitanaa baa go'oto dammbugal ngal." Ko inna Amina wi'i.

Amina suka am! Amina suka am! Wurta, ngaraa, nyaamaa giriyo maaɗa! Wurta, ngaraa, nyaamaa giriyo maaɗa! Aminan suka am! Amina suka am! Wurta, ngaraa, nyaamaa giriyo maaɗa! Wurta, ngaraa, nyaamaa giriyo maaɗa!

Jaangoore muuɗum, inna on wartoyi, waddani Amina neema. O fuɗɗi imo yima: Amina suka am! Wurta, ngaraa, nyaamaa giriyo maaɗa! Amina maɓɓiti dammbugal ngal, o nyaami neema inniiko lamsuɗo.

Inniiko molmi o, nden soƴƴitii wuro. Amina naati nder suudu, foonditi fukkorgo muuɗum. Tawi guuturuwa ladde gooɗom no suuɗinoo gaɗa guumooje ɗen, no hettinanii Amina e inniiɗum!

Wakkati Amina nyifunoo jeyngol muuɗum, say o nani sawto daande teddungo gooɗom, no yima jimol inniiko dammbugal suudu ndun: Amina suka am! Wurta, ngaraa, nyaamaa giriyo maaɗa! Amina wi'i: "Njehee! On kanaa" "Inna am! On guuturuwa mawnga non!" Guuturuwa ngan takkitii, nder mettorgal ɓernde, o majjoyi nder gayɗe ɗen.

Subaka e laasara fuu inna Amina no waddana o neema. Subaka e laasara fuu guuturuwa mawnga ngan duu no wara to makko. Ammaa, wakkati fuu nga wari, Amina riiwa nga. Nde guuturuwa ngan no yiɗi faa yima jimol inniiko fuu, imo anndita sawto daande magga teddungo.

Nyannde gooɗom, guuturuwa ngan heɓi nufaare: "Miɗo waawa wayli sawto daande am heɓa mi nanndina nde e nde inna Amina!" Nga waɗi duɗal yiite mawngal, nga bugii hayre ɓotiɗinnde gom nder yiite ngen. Ko hayre nden wuli faa wojji, nga itti nde, nga moɗi! "Gulgulgul!" Hayre wulnde nden wittorii non nder konolol magga.

Guuturuwa ngan fuɗɗi no yima faa daara yala sawto daande muuɗum waylake. Nga fitti nder welowelo ko nga nani sawto on nanndii ba sawto inna Amina!

Jaangoore muuɗum subaka, guuturuwa hejjiri ɓaade Teselan. Ko nga yottii dammbugal ɓaade nden, nga fuɗɗi inga yima: Amina suka am! Amina suka am! Wurta, ngaraa, nyaamaa giriyo maaɗa! Wurta, ngaraa, nyaamaa giriyo maaɗa!

Amina weltinii ko nani sawto daande welnde hano nde inniiko nii. O maɓɓiti dammbugal, guuturuwa no darii ɗon! O filii faa o maɓɓa dammbugal ngal, ammaa guuturuwa ngan haarii naati. Nga nanngi Amina, nga faɗɗi nder mbasu.

Guuturuwa ngan fa'i gayka muuɗum, inga yima nder welwelo. Nga ƴami ho'ore magga: "Se nii miɗo tawranoo bagi finaa-tawaa, ɗum woonanno hiraande am sanne. Nyallooma lobbo oye woni oo!"

Ko nyawli seɗɗa, subaka, inna Amina waddanoyi suka debbo neema no woowirnoo. O yimi jimol makko, ammaa Amina wurtaaki. O yimitii jimol kaden, faa han Amina wurtaaki. Gaɗa ko o yimi ngol tataɓere, o tutii maɓɓirgo ngon. O yi'aay Amina. Kumpa majjum nanngi o, nden o miiji dow ko yaawi faa o waɗa manyeere.

O waanji bagi nder tummbude mawnde, o roondinde, o fa'i gayɗe ɗen nden o yotti dammbugal guuturuwa, o salmini. Guuturuwa maati henndu bagi finaa-tawaa on, nga maɓɓiti dammbugal ngal dow ko yaawi. Inna Amina wi'i: "Jam waali guuturuwa! Mi won miɗo wittoo ko nanu-mi oɗon njima no wooɗiri. Nder wuro gooɗom poonndii-mi faa mi juulowa nyallaande juulɓe suka gooɗom."

Guuturuwa ngan yiɗaa tawee yaraay bagi finaa-tawaa on! O gansitii inna Amina nder gayka makko. Inna Amina wi'i: "Accee mi waanjana on bagi on fadde am hooƴitaade laawol." Guuturuwa ngan weltinii sanne, dow gaba go'o, nga yardi ko nga wattanaa.

Inna Amina yeeƴitii waanjani ngan kaden, kaden o ɓeydani nga- Faa to baa fuy tawaaka nder tummbude nden. Jooni kay guuturuwa sulii sanne naako nga ɗaanii e leydi.

Wakkati inna Amina nanunoo karali guuturuwa ngan, o maɓɓiti mbasu ngun, Amina wurtii. Amina e inniiɗum ndoggi law law kooti wuro. Nden warde jooni, Amina e inniiɗum no mbeltini nder wuro heso ngon!